24 აპრილს, უკრაინის პრემიერლიგის 25-ე ტურში კიევის "დინამოსა" და დავით ხოჭოლავას "შახტარის" მატჩი 0:0 დასრულდა.
შეხვედრამ კიევში დიდი ინტერესი გამოიწვია, "ოლიმპიისკის" სტადიონზე" თამაშს 41 383 მაყურებელი დაესწრო. სტუმრებს გამარჯვების მოპოვება შეეძლოთ, მაგრამ გაუკრაინელებულმა ბრაზილიელმა მორაესმა 90+5-ე წუთზე პენალტი ვერ გამოიყენა.
"შახტარი" 64 ქულით პირველ ადგილზეა და მეორეადგილოსან "დინამოს" 7 ქულით უსწრებს.
მასპინძელთა გუნდში 54-ე წუთზე შევიდა შეცვლაზე ნახევარმცველი გიორგი წიტაიშვილი, ხოლო სტუმართა რიგებში შეუცვლელად იასპარეზა მცველმა დავით ხოჭოლავამ, რომელმაც ნამატჩევს კომენტარი გააკეთა.
"ძალიან გვინდოდა გამარჯვება და საჩემპიონო რბოლაში კიდევ უფრო
წინ გაჭრა. მატჩის წინ ჩვენთვის ვინმეს რომ ეთქვა, თამაში 0:0 დასრულდებაო, ვფიქრობ, არავის არ დაგვწყდებოდა გული.
მაგრამ ისე მოხდა, რომ 95-ე წუთზე გამარჯვების მოპოვება შეგვეძლო. მიუხედავად შვიდქულიანი ფორისა, მოდუნების უფლება არა გვაქვს. ვეცდებით, ყველა დარჩენილი შეხვედრა მოვიგოთ", - განუცხადა ხოჭოლავამ კლუბის საიტს.
![alt](/pictures/image50/60fbbefbcd30c722fb930141fd5642ee.jpg "დავით ხოჭოლავა კიევის "დინამოსთან" 0:0-ით უკმაყოფილო დარჩა")
CIES: დავით ხოჭოლავა დაფრინავს - უკრაინაში მეორე სართულზე უბადლოა
![ჩემპიონთა ლიგა. 1/8-ფინალი: "ლაიფციგს" გოლი არ ჩაუთვალეს, "რეალმა" გაიმარჯვა - "სიტი" ცალი ფეხით მეოთხედფინალშია [VIDEO]](/pictures/image7/7f5ab2c87187c5d71420637edfe93d09.jpeg "ჩემპიონთა ლიგა. 1/8-ფინალი: \"ლაიფციგს\" გოლი არ ჩაუთვალეს, \"რეალმა\" გაიმარჯვა - \"სიტი\" ცალი ფეხით მეოთხედფინალშია [VIDEO]")
