დავით ხოჭოლავა უკრაინულ დერბიში 12 წუთი ათამაშეს

უკრაინის პრემიერლიგის მეორე ტურში დავით ხოჭოლავას "შახტარმა" სტუმრად 2:1 სძლია კიევის "დინამოს".

უკრაინის სუპერთასზე "დინამოსთან" წაგების (1:2) შემდეგ უკრაინულმა მედიასაშუალებებმა "მეშახტეთა" გუნდის მწვრთნელს ლუიშ კაშტრუს ძირითად შემადგენლობაში ხოჭოლავას ნაცვლად მიკოლა მატვიენკოს დაყენება მოუწოდეს, შემდეგ შეხვედრაში ჩემპიონატზე "ოლეკსანდრიასთან" (3:1) მან ქართველი ლეგიონერი შეუცვლელად ათამაშა, მაგრამ "კარპატისთან" (3:0) უკვე მის ნაცვლად მატვიენკო გაამწესა სასტარტოში, დღეს, "დინამოსთანაც" ჩვენებური სათადარიგო იყო და მხოლოდ 78-ე წუთზე შეუშვა შეცვლაზე, როდესაც დონბასელები 2:1-ს იგებდნენ და ბოლოს დაცვის გაძლიერება დასჭირდათ.

რაც შეეხება დედაქალაქელთა ნახევარმცველ გიორგი წიტაიშვილს, განაცხადში ისევ არ იყო.

ამ თამაშს ოლიმპიისკის სტადიონზე 41 203 მაყურებელი დაესწრო.

ლუიშ კაშტრუმ ჩასაფრებული ჟურნალისტების აზრი არად ჩააგდო და დავით ხოჭოლავა შეუცვლელად ათამაშა