"გენტის" ქართველი ლეგიონერები არასახარბიელო ვითარებაში არიან.
გიორგი ჩაკვეტაძე მუხლზე გაკეთებული ოპერაციის შემდეგ რეაბილიტაციის კურსს გადის, გიორგი ქვილითაია ლარნაკას აელ-თან ევროპა ლიგის მესამე საკვალიფიკაციო ეტაპის პირველი მატჩის წინასწარ განაცხადში შეიყვანეს, მაგრამ საბოლოო განაცხადში არ მოხვდა, გიორგი ბერიძემ კი ბოლოს 28 ივლისს ითამაშა "შარლერუასთან" და ისიც მხოლოდ 13 წუთი. არადა, წინასასეზონო საკონტროლო შეხვედრებში 6 გოლით გუნდის საუკეთესო ბომბარდირი იყო.
დღეს, 11 აგვისტოს "გენტი" ბელგიის ჩემპიონატის მესამე ტურში სტუმრად "მუსკრონს" დაუპირისპირდება და ქვილითაია და ბერიძე განაცხადში არიან, მაგრამ ათამაშებენ კი?
![Sportall.Ge](/pictures/artimages/original/0cf845864869a4b2f4d260aa37ca8ee8.jpg ""გენტის" ქართველები განაცხადში დააბრუნეს, მაგრამ ათამაშებენ?")
