ქართველმა ფეხბურთელმა ჯანო ანანიძემ მოსკოვის "სპარტაკთან" კონტრაქტი გაწყვიტა. ამის შესახებ ინფორმაციას გამოცემა championat.com-ი ავრცელებს.
ადრე თურქული გამოცემები აღნიშნავდნენ, რომ "სპარტაკი" 27 წლის ფეხბურთელის "დენიზლისფორში" იჯარით წასვლას დათანხმდა. მაშინ გენერალური დირექტორი ტომას ცორნი აცხადებდა, რომ ფეხბურთელმა გუნდის დატოვების სურვილი გამოხატა.
შეგახსენებთ, რომ გუნდის მთავარმა მწვრთნელმა დომენიკო ტედესკომ ფეხბურთელი შეკრებაზე არ წაიყვანა. გარდა ამისა, მანამდე ვრცელდებოდა ინფორმაციები, რომ ჯანო მოლაპარაკებას "ტამბოვთან" აწარმოებდა.
მოსკოვურ კლუბს კონტრაქტის გაწყვეტის ამბავი ოფიციალურად ჯერ არ დაუდასტურებია.
ჯანო ანანიძე "სპარტაკში" 2009 წლიდან ირიცხება. ამ ხნის განმავლობაში ის იჯარით
ორჯერ იყო განათხოვრებული - "როსტოვში" 2013/14 წლების სეზონში და "კრილია სოვეტოვში" გასული სეზონის მეორე ნახევარში.
მიმდინარე პრემიერლიგაში კი ქართველმა ნახევარმცველმა 6 მატჩში მიიღო მონაწილეობა, ჯამში კი სეზონში 10 მატჩი ჩაატარა. საერთო ჯამში, ანანიძემ "სპარტაკში" 11-წლიანი კარიერის მანძილზე 146 მატჩი ჩაატარა, 16 გოლი გაიტანა და 17 საგოლე გადაცემა გააკეთა.
![alt](/pictures/image50/4e0d4c39723003a318d7ee3b27f02a95.jpg "რუსული მედია: ჯანო ანანიძემ "სპარტაკთან" კონტრაქტი გაწყვიტა")
რუსული მედია: ჯანო ანანიძე და "სპარტაკი" კონტრაქტის გაწყვეტის ვარიანტს ეძებენ
![alt](/pictures/image50/464c93a30920c645433d70af9fe4c99c.jpg "რუსული მედია: ჯანო ანანიძემ "სპარტაკთან" კონტრაქტი გაწყვიტა")
ჯანო ანანიძის დამატების სურვილი რუსულმა კლუბმა გამოთქვა, საუბარიც შედგა
![alt](/pictures/image50/09cd6444bcefb9df698d38d5ed966e1c.jpg "რუსული მედია: ჯანო ანანიძემ "სპარტაკთან" კონტრაქტი გაწყვიტა")
"სპარტაკის" სამედიცინო დეპარტამენტის ყოფილმა უფროსმა ჯანო ანანიძის ხშირი ტრავმების მიზეზებზე ისაუბრა
![alt](/pictures/image50/b2451bee8fb17ce3c8f6fab95591b025.jpg "რუსული მედია: ჯანო ანანიძემ "სპარტაკთან" კონტრაქტი გაწყვიტა")
რუსული მედია: ცნობილი გახდა, რა პირობებით სურს თურქულ კლუბს ჯანო ანანიძის აყვანა
![ჯანო ანანიძე მოსკოვის "სპარტაკს" მოსამზადებელ შეკრებაზე ესტუმრა [PHOTO]](/pictures/image7/e9f8b157efe2ce25b86d1578fc6763fe.jpg "ჯანო ანანიძე მოსკოვის \"სპარტაკს\" მოსამზადებელ შეკრებაზე ესტუმრა [PHOTO]")
ეხლა ჯანო ბათუმის დინამოში მოვიდეს და 2021-ის ზაფხულის ტრანფერამდე აქ ითამაშოს
ფორმაშიც შევა, ევროტურნირებზეც დაგვეხმარება, სათამაშო პრაქტიკაც ექნება და ტრავმებისგანაც უფრო დაცული იქნება აქაური თბილი კლიმატიდან გამომდინარე.
მოკლედ ყველა ვარიანტში ჯობია მშობლიურ გარემოში ყოფნა და სტაბილური სათამაშო დრო.
თვითონაც იხეირებს და ნაკრებსაც ახეირებს!
ეს ჩემი აზრია და სურვილი.
არარეალურია მაგრამ,,ოცნებას კაცი არ მოუკლავს'':(