"ანორთოსისის" დირექტორი: ოქრიაშვილს უკეთეს გუნდში გადასვლაში ხელს შევუწყობთ

"ანორთოსისის" საფეხბურთო განყოფილების გენერალურმა დირექტორმა იანის კონსტანტინუმ goal.philenews-თან ნახევარმცველების - რუბენ რაიოსა და თორნიკე ოქრიაშვილი შესახებ ისაუბრა.

"33 წლის ესპანელის კონტრაქტში პუნქტია, რომ მისი გახანგრძლივებაა შესაძლებელი. ძალიან მალე ამაზე გავესაუბრებით. დრო გვაქვს. არსად არ გვეჩქარება და საერთო გადაწყვეტილებამდე მივალთ. თემურ ქეცბაიას დაველაპარაკებით და ყველაფერს გადავწყვეტთ. გესმით, ალბათ, დღეს ამაზე სალაპარაკოდ შესაფერისი დრო არ არის.

ოქრიაშვილს ჩვენს კლუბთან კონტრაქტი აკავშირებს და უკეთეს ლიგაში სურს კარიერის გაგრძელება. მე ამის წინააღმდეგი არა ვარ, პირიქით, რადგან როდესაც ფეხბურთელს მაღალი მიზნები და ოცნებები გააჩნია, უკეთ მუშაობს. თუ უკეთესი ვარიანტი გამოუჩნდა, ხელს არ შევუშლით".

კითხვაზე, თორნიკეს ტრანსფერი იქნება თუ არა შვიდციფრიანი თანხის, კონსტანტინუს გაეცინა, არც დაადასტურა და არც უარყო: "თუ ის ფიქრობს, რომ უკეთეს გუნდში შეუძლია თამაში, ჩვენ შეგვიძლია დავეხმაროთ, ისევე როგორც დანარჩენ ფეხბურთელებს. ეს ფინანსებთანაა დაკავშირებული. როდესაც მას ხელშეკრულება გავუფორმეთ, მხარეები პირობებზე შევთანხმდით".

ოქრიაშვილი: მინდა ქეცბაიასთვის ჩემპიონები გავხდეთ და ზაფხულში უკეთეს გუნდში გადავიდე