როგორც ერთ-ერთი ყველაზე პოპულარული ესპანური გამოცემა AS-ი იტყობინება, ვალენსიის "ლევანტეს" ძირითად გუნდთან ერთად ქართველი ფეხბურთელი გიორგი ქოჩორაშვილი ვარჯიშობს.
ქოჩორაშვილს პირველ გუნდში მას შემდეგ უხმეს, რაც ნახევარმცველმა პაბლო მარტინესმა ტრავმა მიიღო. ახალგაზრდა ქართველი ძირითად გუნდთან ერთად კვირის დასაწყისიდან იყო და ჯგუფურ სავარჯიშო პროცესში იმ შემთხვევაში ჩაერთვებოდა, თუ ვინმე დაზიანდებოდა და ეს მოხდა კიდეც.
აღსანიშნავია, რომ 22 წლის პაბლო მარტინესი ძირითად გუნდში "ლევანტეს" მეორე გუნდიდან აღნიშნული სეზონის დასაწყისში დააწინაურეს, თუმცა ლა ლიგაში მხოლოდ 18 წუთი ითამაშა. ასე რომ, ქართველ ნახევარმცველს კარგი შანსი
მიეცა და უნდა გამოიყენოს.
გიორგი ქოჩორაშვილი "საბურთალოდან" "ჟირონაში" 2017 წელს გადავიდა. "ლევანტეს" რიგებში კი გასულ ზაფხულს ჩაირიცხა, კლუბის მეორე გუნდის შემადგენლობაში "სეგუნდა B"-ს გათამაშებაში 15 მატჩი ჩაატარა და 1 გოლიც გაიტანა. გიორგი საქართველოს 21 წლამდე ფეხბურთელთა ნაკრების წევრია.
![alt](/pictures/image50/4d99ef2faedf9a0e7d3f8dae67ca35c4.jpg "ახალგაზრდა ქართველის დიდი შანსი - ქოჩორაშვილი "ლევანტეს" ძირითად გუნდთან ერთად ვარჯიშობს")
გიორგი ქოჩორაშვილი: ყოველთვის რეალურად ვუყურებ ყველაფერს, თუმცა ოცნების გარეშე შეუძლებელია რაიმის მიღწევა
