მოქმედი კონტრაქტის მქონე ფეხბურთელები, რომელთა გაშვება შეიძლება
რთული კითხვაა, რომელზეც პასუხის გასაცემად რამდენიმე ფაქტორის გათვალისწინებაა საჭირო.
ამბობენ, "სპორტ-ექსპრესის" ამასწინანდელ ინტერვიუში სიომინმა სწორედ ქართველ მცველზე ილაპარაკა: "ვაყენებ ფეხბურთელს სასტარტო შემადგენლობაში, შემდეგი ეტაპის სამუშაოსთვის ვამზადებ, მასზე სრულად ვამყარებ იმედებს, გენერალური დირექტორი ვასილ კიკნაძე კი მიდის მასთან და ეუბნება: "მოდი, ასე მოვიქცეთ. შენ მიდიხარ, ჩვენ კი კონტრაქტით დარჩენილი ვადის მიხედვით ნახევარ ხელფასს გაძლევთ". ეს საერთოდ რას ჰგავს? ასე ვმუშაობთ შედეგის მისაღწევად? ფეხბურთელის გვარს არ დავასახელებ, რადგან ჯერ კიდევ გუნდშია და გაზაფხულზე პირველი მატჩები ძალიან კარგად ჩაატარა".
კვირკველია სიომინის აგარაკზე ვარჯიშობს
თავისი მახასიათებლებით კვირკველია ჯერ კიდევ პრემიერლიგის დონის ტოპ-მცველია. მას გასული სეზონის დასასრულსა და ამ სეზონში იდუმალებით მოცული ტრავმის გამო ჩავარდნა ჰქონდა. ასევე, საბამ ცუდად ჩაატარა ზამთრის შეკრება, თუმცა გაზაფხულზე დაამტკიცა, რომ ჯერ კიდევ შეუძლია სასარგებლო იყოს. კვირკველია აგრესიული და ძლიერია, შესანიშნავია სტატიკურ ბრძოლებში, მაგრად იბრძვის მეორე სართულზე, ჩორლუკაზე სწრაფია. შეზღუდვებიც აქვს: პოზიციური თამაში, მეტოქის მოძრაობის მიმართულების ცვლილებისას მკვეთრი რეაგირება და ზეწოლისას შეტევის წამოწყება.
გამოადგება კვირკველია "ლოკომოტივს"? ვინც მოტივირებულია და ოპტიმალურ ფორმაშია - აუცილებლად. თუ კონდიციებში ჩადგება, მაშინ პრემიერლიგის ნებისმიერი კლუბისთვის სასურველი ვარიანტი იქნება, ხოლო თუ "რკინიგზელებს" დაცვის გადახალისება და გაახალგაზრდავება სურთ, უნდათ უფრო სწრაფი და თანამედროვე გახადონ, მაშინ კვირკველიას პოზიცია ისე დამაჯერებლად არ მოჩანს, როგორც ჩორლუკასი (ის მას პოზიციურ თამაშში ჯობია და გაცილებით უკეთესი გადაცემები აქვს). თუ მხედველობაში კოლექტივში შექმნილ ატმოსფეროს მივიღებთ (ვთქვათ, საბა აგრესიულადაა განწყობილი ცვლილებების მიმართ), მაშინ მასთან განშორება მთლად მტკივნეულ მოვლენად არ მოჩანს".
"როტორი" ქართული გახდებაო და თურმე მთლად ბოგანო ყოფილა
football24: ქართული "როტორი". ნუთუ იქ ჯანო, მელქაძე და კვირკველია იქნებიან?
საბა კვირკველია "როსტოვში" არ გადავა
კიკნაძე მიცვალებულად გამოაცხადეს, კვირკველიასთან ერთად "ლოკოს" კიდევ 7 ფეხბურთელი დატოვებს
კვირკველია "ლოკომოტივს" დატოვებს? მისით 3 გუნდია დაინტერესებული
![კვირკველიას ავტოგოლი და საგოლე პასი "ალ აჰლის" წინააღმდეგ [VIDEO]](/pictures/image7/b25b6efb8f8e03d89ee8e7185572f0ae.jpg "კვირკველიას ავტოგოლი და საგოლე პასი \"ალ აჰლის\" წინააღმდეგ [VIDEO]")
ტრავმული // ტრავმატული) [და არა ტრამვა, ტრამვული]