ლა ლიგის 33-ე ტურში შესაძლოა, ქართველი ფეხბურთელის დებიუტი შედგეს. საუბარი საქართველოს ახალგაზრდული ნაკრებისა და "ლევანტეს" 21 წლის ნახევარმცველ გიორგი ქოჩორაშვილზეა, რომელიც "ვალიადოლიდთან" მატჩის განაცხადშია.
ვალენსიური გუნდი 2 ივლისს, თბილისის დროით 00:00 საათზე, სტუმრად სწორედ ამ გუნდს დაუპირისპირდება.
მოგეხსენებათ, ქოჩორაშვილი საქართველოში "საბურთალოს" აკადემიაში ასპარეზობდა, შემდეგ "ჟირონაში" გადაბარგდა, 2019 წელს კი "ლევანტესთან" ხელი 3-წლიან კონტრაქტს მოაწერა.
ახალგაზრდა ქართველი სამჯერ უკვე გახლდათ ვალენსიელთა სამატჩო განაცხადში, თუმცა მთავარმა მწვრთნელმა ის არ ათამაშა.
საინტერესოა, მისცემს თუ არა მას დღეს პაკო ლოპესი თავის გამოჩენის საშუალებას... თანაც,
ცალკე აღნიშვნის ღირსია, რომ მატჩს დაესწრება ლეგენდარული ბრაზილიელი ფეხბურთელი რონალდო, რომელიც "ვალიადოლიდის" 51%-ს ფლობს.
გიორგი ქოჩორაშვილი: ყოველთვის რეალურად ვუყურებ ყველაფერს, თუმცა ოცნების გარეშე შეუძლებელია რაიმის მიღწევა
