სად გაქრა გია გრიგალავა? - კითხულობს რუსული გამოცემა

ტულის "არსენალში" კორონავირუსის ფაქტი დაფიქსირდა, - იტყობინება "Спорт день за днем", თუმცა კლუბის პრეზიდენტმა გურამ აჯოევმა (თბილისის ნორჩი დინამოელის აღზრდილია) გავრცელებული ინფორმაცია უარყო. ადრე ჟურნალისტმა სერგეი ეგოროვმა კითხვა დასვა იმის თაობაზე, თუ რატომ გაქრნენ გუნდიდან გია გრიგალავა და ვალერი კლიმოვი.

ცნობისათვის, "ახმატთან" მატჩის განაცხადში ყოველგვარი მიზეზის გარეშე არ იყო არტურ ნიგმატულინიც.

გამოცემის მტკიცებით, თუ გრიგალავა კორონავირუსით დაინფიცირდა, ისიც და ვისთანაც მას კონტაქტი ჰქონდა, კარანტინში უნდა მოათავსონ, მაგრამ ამის გასარკვევად რუსეთის პრემიერლიგის ხელმძღვანელობის დაინტერესებაა საჭირო.

ადრე კორონავირუსი "არსენალის" გენერალურ დირექტორს, დმიტრი ბალაშოვს დაუდასტურდა, რომელმაც მოგვიანებით განაცხადა, რომ განმეორებითმა ტესტმა დადებითი შედეგი არ აჩვენა.