ბელგიის ჩემპიონატის დაწყების წინ "გენტმა" უკანასკნელ ამხანაგურ მატჩში პირველი ლიგის (რანგით მეორე დივიზიონია) "სერენს" 2:1 სძლია.
"გენტის" მწვრთნელმა იეს ტორუპმა ექსპერიმენტული შემადგენლობა დააყენა და წამყვან ფეხბურთელებს დასვენების საშუალება მისცა.
გიორგი ქვილითაია სასტარტოში იყო, ანგარიში კი 44-ე წუთზე სტუმართა გუნდის 19 წლის თავდამსხელმა ჟორჟ მიქაუტაძემ გახსნა. ის საფრანგეთის მოქალაქეა, ლიონშია დაბადებული, "მეცის" ფეხბურთელია და "სერენშია" განათხოვრებული.
მე-60 წუთზე ტორუპმა ქვილითაია და კიდევ 5 ფეხბურთელი შეცვალა და მათ ნაცვლად მოედანზე 17-წლამდელთა გუნდის მოთამაშეები შეუშვა, რომლებმაც მატჩში გარდატეხვის შეტანა შეძლეს - 78-ე წუთზე სემი მაჰურმა ანგარიში გაათანაბრა, ხოლო 88-ე წუთზე მატეო პარმენტემ გამარჯვების გოლი გაიტანა.
გიორგი ჩაკვეტაძე გუნდთან ერთად ვარჯიშობს და შეხვედრაში მონაწილეობა არ მიუღია, ისევე, როგორც ჯონათან დავიდს. ის "ლილში" გადასასვლელად ემზადება. "გენტმა" ფრანგულ კლუბს ტრანსფერში 30 მილიონი ევრო და ბონუსები მოსთხოვა.
9 აგვისტოს, ჩემპიონატის პირველ ტურში "გენტი" გასვლაზე "სენტ ტრუიდენს" დაუპირისპირდება.
![alt](/pictures/image50/1f1153c419e0265d4f2457d19c730000.jpg ""გენტს" მიქაუტაძემ გაუტანა - ქვილითაიამ 1 საათი ითამაშა")
გიორგი ჩაკვეტაძემ გუნდთან ერთად ვარჯიში დაიწყო
![ჩაკვეტაძის "უოტფორდი" 90+9-ე წუთზე გაშვებული გოლით დამარცხდა [VIDEO]](/pictures/image7/39e8957f362857a2ac6244670f9ea7e8.jpg "ჩაკვეტაძის \"უოტფორდი\" 90+9-ე წუთზე გაშვებული გოლით დამარცხდა [VIDEO]")
!["ზღაპრის ბოლო კეთილია" - უოტფორდში ქართველმა გულშემატკივარმა ჩაკვეტაძეს უმღერა [VIDEO]](/pictures/image7/a28fc460dc0d5ca833576be75b6b0cbb.png "\"ზღაპრის ბოლო კეთილია\" - უოტფორდში ქართველმა გულშემატკივარმა ჩაკვეტაძეს უმღერა [VIDEO]")
!["უოტფორდის" გულშემატკივრებმა ჩაკვეტაძეს საქართველოს ნაკრების ევროპის ჩემპიონატზე გასვლა მიულოცეს [VIDEO]](/pictures/image7/66ff647a5fc728e56ac248b53cafb697.png "\"უოტფორდის\" გულშემატკივრებმა ჩაკვეტაძეს საქართველოს ნაკრების ევროპის ჩემპიონატზე გასვლა მიულოცეს [VIDEO]")
