დასრულდა სანაკრებო პაუზა და "გენტი" 11 სექტემბერს, ბელგიის ჩემპიონატის მე-5 ტურში სტუმრად "ეუპენს" შეხვდება. მომავალი მატჩის წინ "გენტის" მწვრთნელმა ლასლო ბოლონიმ საქართველოს ნაკრების ნახევარმცველ გიორგი ჩაკვეტაძის შესახებაც ისაუბრა.
ხანგრძლივი პერიოდის შემდეგ ჩაკვეტაძემ "მეხელენთან" თამაში სასტარტოდან დაიწყო და ბოლონი კმაყოფილი დარჩა:
"მან რამდენჯერმე თავი კარგი მოძრაობებითა და იმპულსებით გამოიჩინა, რაც მაიმედებს, რადგან ეს ბიჭი დასაბრუნებლად წელიწად-ნახევარი შრომობდა. ტრავმის შემდეგ დაბრუნება ძნელია, მაგრამ ის სწორ გზას ადგას.
კარგად მოძრაობს, თუმცა ყველამ იცის, რომ გაცილებით მეტი შეუძლია. ამას თუ მოახერხებს, ნდობასაც დაიმსახურებს. ჩაკვეტაძე
თამაშში გარდატეხის შემტანი ფეხბურთელია, მაგრამ დაცვის დასახმარებლად უკან ჩასვლაც მართებს და შეუძლია დიდ პროგრესს მიაღწიოს".
ჩაკვეტაძის გამოუყენებელი მომენტი, არდანიშნული პენალტი და "გენტის" პირველი გამარჯვება [VIDEO]
