ვაკო ყაზაიშვილისა და გურამ კაშიას "სან ხოსე ერსქვეიქსმა" MLS-ის რეგულარული სეზონის მორიგი მატჩი გამართა და გასვლაზე "სიეტლთან" 1:7 განადგურდა.
ქართველთაგან შეხვედრაში მონაწილეობა მხოლოდ ვაკო ყაზაიშვილმა მიიღო (64 წუთი), ხოლო გურამ კაშია კალიფორნიელთა განაცხადში არ გახლდათ.
ქართველის გარეშე "სან ხოსეს" დაცვას "ღია კარის დღე" ჰქონდა და მათი თამაშის ფონზე "სიეტლის" შემტევები მსოფლიო დონის ვარსკვლავებად მოჩანდნენ.
59-ე წუთზე უკვე ანგარიში 7:0 იყო, იმის პარალელურად, რომ "ერსქვეიქსის" არგენტინელმა მეკარე ვეგამ რამდენიმე რთული ბურთი მოიგერია.
სამწუხაროდ, ქართველთა გუნდს რეგულარულ სეზონში საქმე კარგად ნამდვილად არ მისდის. ბოლო 5 მატჩიდან 4 წააგეს, 1 ფრედ ითამაშეს და დასავლეთ კონფერენციის სატურნირო ცხრილში ბოლო ადგილზე არიან.
![alt](/pictures/image50/b344f6e804a2db40ed07f734e994cc43.jpg "ეს რა იყო?! 1:0, 2:0, 3:0, 4:0, 5:0, 6:0, 7:0... - ქართველების "სან ხოსე" საქვეყნოდ შერცხვა [VIDEO]")
ვაკოს გოლი და ასისტი MLS-ში - ყაზაიშვილმა 16 წლის ბავშვს გაატანინა [VIDEO]
