უნგრეთის ჩემპიონატის მეოთხე ტურში ბუდუ ზივზივაძის ახალმა გუნდმა, "ფეჰერვარმა" საკუთარ მოედანზე 3:1 დაამარცხა "პუშკაში".
ქართველი თავდამსხმელი მწვრთნელმა 79-ე წუთზე შეუშვა შეცვლაზე, როდესაც ანგარიში 1:1 იყო და ამის შემდეგ მოახერხეს მასპინძლებმა გამარჯვების მოპოვება.
84-ე წუთზე უკრაინელმა ნახევარმცველმა ივან პეტრიაკმა "ფეჰერვარი" დააწინაურა, ხოლო 90+1-ე წუთზე ბუდუმაც დალაშქრა მეტოქის კარი. მან მცველი ჩამოიცილა და 14 მეტრიდან გაიტანა.
ზივზივაძე "ფეჰერვარში" ზაფხულში "მეზეკოვეშდიდან" გადავიდა და ახალ გუნდში პირველად გაიტანა.
"ფეჰერვარი" 8 ქულით ჯერჯერობით ლიდერია და 27 სექტემბერს გასვლაზე "კიშვარდას" შეხვდება, იქამდე კი 17 სექტემბერს ევროპა ლიგის საკვალიფიკაციო ეტაპზე მალტაში "ჰიბერნიანსს" დაუპირისპირდება.
![alt](/pictures/image50/f8c326d8e2f16458ff71b36d88a9c53b.jpg "ბუდუმ "ფეჰერვარში" პირველი გოლი გაიტანა - მისი გუნდი გალიდერდა")
ოფიციალურად - ბუდუ ზივზივაძე უნგრეთის ვიცე-ჩემპიონ გუნდში გადავიდა
!["შენთანა ვარ, ნურაფრის ნუ გეშინია" - ზივზივაძემ საქართველოს ნაკრებში გადაღებული ფოტოს ისტორიები გაიხსენა და "ზღაპრის ბოლო კეთილია" შეასრულა [VIDEO]](/pictures/image7/4d64680208741297beef6615ad9f01d6.png "\"შენთანა ვარ, ნურაფრის ნუ გეშინია\" - ზივზივაძემ საქართველოს ნაკრებში გადაღებული ფოტოს ისტორიები გაიხსენა და \"ზღაპრის ბოლო კეთილია\" შეასრულა [VIDEO]")
