"რუბინის" ნახევარმცველმა ხვიჩა კვარაცხელიამ მოსკოვის "დინამოსთან" მიღებული სახის ტრავმის შემდეგ დღეს გუნდთან ერთად ნიღბის გარეშე ივარჯიშა (იხ. ფოტო) და ალბათ, 20 სექტემბერს რუსეთის პრემიერლიგის მე-8 ტურში "სპარტაკთან" საშინაო მატჩში მონაწილეობას მიიღებს.
45-ათასიან "ყაზან არენაზე" 31 ათას მაყურებელს ექნება დასწრების უფლება.
"რუბინის" მწვრთნელმა ლეონიდ სლუცკიმ ორიოდ დღის წინ განაცხადა, რომ კვარაცხელიას ნიღაბი აქვს და მისი თამაში პრობლემა არ იქნება.