დღეს ჩემპიონთა ლიგის პლეი-ოფის სამი განმეორებითი მატჩი გაიმართა.
გიორგი ჩაკვეტაძემ ტრავმის გამო ვერ ითამაშა კიევში "დინამოსთან", მისი გუნდი კი, როგორც მოსალოდნელი იყო, კვლავ დამარცხდა, ამჯერად 0:3 და ჯგუფურ ეტაპზე მოხვედრა აუხდენელ ოცნებად დარჩა, თუმცა ასპარეზობას ევროპა ლიგაზე გააგრძელებს.
მასპინძელთა გუნდის მწვრთნელმა მირჩა ლუჩესკუმ კვლავ არ შეიყვანა განაცხადში გიორგი წიტაიშვილი, რომელიც გუნდის თავკაცად მის დანიშვნას აღფრთოვანებული შეხვდა.
ლუჩესკუს "დინამოს" მწვრთნელად დანიშვნა გულშემატკივრებს დიდად კი არ ეამათ, მაგრამ რუმინელმა გუნდი ჩემპიონთა ლიგაზე გაიყვანა. სხვათა შორის, 75 წლის ლუჩესკუ ჩემპიონთა ლიგაზე ყველაზე ასაკოვანი მწვრთნელი
იქნება.
ლაშა დვალის "ფერენცვაროშმა" სტუმრად ნათამაშები ფრის (3:3) შემდეგ ნორვეგიულ "მოლდეს" ბუდაპეშტში უგოლო ფრე გაუგორა და სტუმრად გატანილი მეტი გოლის წესით ჩემპიონთა ლიგაზე გავიდა.
დვალმა მორიგი ტრავმა მოირჩინა და სათადარიგო იყო.
"ოლიმპიაკოსს" პირეოსში 2:0 ჰყავდა დამარცხებული კვიპროსის "ომონია", ხოლო ნიქოზიაში შეხვედრა 0:0 დასრულდა და ბერძნულმა კლუბმა ორი მატჩის ჯამში იმარჯვა.
![alt](/pictures/image50/e3ad6a842173bbab50927752dc719295.jpg "ჩაკვეტაძის გარეშე "გენტი" დამარცხდა - დვალის "ფერენცვაროში" ჩემპიონთა ლიგაზე გავიდა")
"გენტის" ჭირსა ვერვინ მოთვლის - იარემჩუკიც წასვლას აპირებს
!["რუსეთის დდშვც... საქართველო ევროპაში" - ჯაბა კანკავა და გიორგი ჩაკვეტაძე თბილისში განვითარებულ ბოლოდროინდელ მოვლენებს ეხმაურებიან [PHOTOS]](/pictures/image7/e693a91eba3d3b8adbb4159be8b075c1.png "\"რუსეთის დდშვც... საქართველო ევროპაში\" - ჯაბა კანკავა და გიორგი ჩაკვეტაძე თბილისში განვითარებულ ბოლოდროინდელ მოვლენებს ეხმაურებიან [PHOTOS]")
