"პირველ არხზე" გადაცემა "ტაიმაუტის" სტუმარი "ფეჰევარის" ქართველი ფორვარდი ბუდუ ზივზივაძე გახლდათ.
წამყვანმა მას კითხვა იმის შესახებ დაუსვა, თუ რატომ არ იძახებდა მას ვლადიმირ ვაისი და ჰქონდა თუ არა მასთან კომუნიკაცია.
"ბოლოს ვლადიმირ ვაისთან კონტაქტი 2018 წლის მაისში მქონდა, როდესაც მალტასთან და ლუქსემბურგთან ამხანაგური შეხვედრები ჩავატარეთ.
ამის შემდეგ სლოვაკ სპეციალისტთან არანაირი კომუნიკაცია არ მქონია. ჩემი მხრიდან რაიმე მიზეზებზე საუბარი, ალბათ, რთული იქნება...
არავის უთქვამს ჩემთვის, რატომ არ ვიყავი ნაკრებში. ალბათ, მწვრთნელმა ეგრე გადაწყვიტა, მის სათამაშო სქემაში ვერ ვჯდებოდი და ამიტომ არ
ვიყავი შემადგენლობაში.
რა თქმა უნდა, გული ძალიან დამწყდა. ძალიან ბევრს ვშრომობ და მიზნის მისაღწევად და ნაკრებში მოსახვედრად შრომას აუცილებლად გავაგრძელებ.
ასევე მინდა ვისარგებლო შემთხვევით და ერთი რაღაც განვმარტო. ბოლო სანაკრებო სიის გამოქვეყნების შემდეგ სოციალურ ქსელში სტატუსი გამოვაქვეყნე და ეს იყო მხოლოდ იუმორი და არავის შეურაცხყოფა არ მიფიქრია", - თქვა ზივზივაძემ.
პატიოსანი მწვრთნელების უმეტესი ნაწილი გეტყვის რომ შენ წმინდად საკლუბო, სქემატურად აწყობილი და კარგად შეთამაშებული გუნდის კაცი ხარ, შესაბამისად შენ ნაკრებში ვერასოდეს წარმოჩნდები საამაყო და საოცარი რეზულტატით, აი ჩაკვეტაძე კი პირიქითაა, ბალაგანში მონახავს საერთო ენას სრულიად უცნობ მორბენალებთან.
დროა ვისწავლოთ გარჩევა თუ ვინაა სანაკრებო სტილის და ვინა საკლუბოს.
ასევე ისტორიამ დაამტკიცა რომ ცეცაძეც სანაკრებო მწვრთნელია და არა საკლუბო, თქვენს მას სამტერდიაში ნაკრები ჰაყვდით, შეთამაშებული ხალხი და იმიტომ იყავით წარამტებული.
საწყენი ზემოთ დაწერილში არაფერია მგონი.
წინსვლას გისურვებთ ბუდუ!