დავითაშვილმა ტრავმა მიიღო - "როტორმა" ისევ წააგო

რუსეთის პრემიერლიგის 23-ე ტურში ქართველების "როტორი" ვოლგოგრადში" 0:4 დამარცხდა "როსტოვთან", რომელსაც იქამდე უკანასკნელ 5 მატჩში არ ჰქონდა გამარჯვება მოპოვებული.

"როტორში" ქართველი ლეგიონერებიდან მხოლოდ ზურიკო დავითაშვილმა იასპარეზა, რომელიც დრიბლინგით თამაშს ამწვავებდა, მაგრამ 30-ე წუთზე, როდესაც ანგარიში 0:0 იყო, ტრავმა მიიღო და კოჭლობით დატოვა მოედანი. ჯერ უცნობია, რამდენად სერიოზულად დაშავდა დავითაშვილი და დაეხმარება თუ არა საქართველოს ახალგაზრდულ ნაკრებს 29 მარტს ბელარუსთან ამხანაგურ შეხვედრაში.

საბა კვირკველია და ნიკოლაი ყიფიანი სათადარიგოები იყვნენ, ხოლო გიორგი არაბიძე განაცხადში არ იყო.

"როტორმა" ზედიზედ მეორე მარცხი განიცადა, 18 ქულით მე-13 ადგილზე და 3 აპრილს მოსკოვის "ლოკომოტივს" უმასპინძლებს.

"როტორი" დამარცხდა, ყიფიანმა ტრავმა მიიღო, ქართველებმა თავი ვერაფრით გამოიჩინეს