რუსეთის პრემიერლიგის 24-ე ტურში ხვიჩა კვარაცხელიას გოლით "რუბინი" საკუთარ მოედანზე 1:0-ს უგებს "სოჭის".
საქართველოს ნაკრებიდან დაბრუნებულ კვარაცხელიას მწვრთნელმა ლეონიდ სლუცკიმ დასვენების საშუალება მისცა და სასტარტოში არ დააყენა. პირველი ტაიმი სტუმართა უპირატესობით მიმდინარეობდა და მეკარე დიუპინმა რამდენიმეჯერ გადაარჩინა ყაზანური გუნდი. ხვიჩა შესვენების შემდეგ შევიდა შეცვლაზე, მე-60 წუთზე ცაგალოვს ყვითელი ბარათი მიაღებინა, ხოლო 72-ე წუთზე ანგარიში გახსნა.