ავსტრიის ბუნდესლიგის 23-ე ტურში ლუკა ლოჩოშვილისა და გურამ გიორბელიძის "ვოლფსბერგერი" საკუთარ მოედანზე 1:8 განადგურდა "რაპიდთან".
ლოჩოშვილი სასტარტოში იყო, 29 წუთზე კუთხურიდან ჩაწოდებული ბურთისთვის ბრძოლაში მეტოქე გუნდის თავდამსხმელ ერკან კარას კისერში ფეხი ჩაარტყა და მსაჯმა ვალტერ ალტმანმა პირდაპირი წითელი ბარათით გააძევა. "კურიერი" აღნიშნავს, რომ ლოჩოშვილმა კარატეს ილეთი გამოიყენა. ლუკამ მიმდინარე სეზონში მესამედ მიიღო წითელი ბარათი.
იმ დროისთვის ანგარიში 0:1 იყო, შემდეგ ვენელები უპირატესობას დაეუფლენ და დამაჯერებელი გამარჯვება მოიპოვეს.
საქართველოს ნაკრებიდან დაბრუნებული გურამ გიორბელიძე 65-ე წუთზე შევიდა შეცვლაზე.
"ვოლფსბერგერი" 16 ქულით მე-6 ადგილზეა და 11 აპრილს სტუმრად ლასკ-ს შეხვდება.
![alt](/pictures/image50/28c576cf3ca6797aaf0ca4b1fd674ef1.jpg "ლოჩოშვილი გააძევეს და "ვოლფსბერგერი" განადგურდა - 1:8")
ლოჩოშვილი "ვოლფსბერგერში" სადებიუტო მატჩის მე-16 წუთზე გააძევეს
