კვიპროსის ჩემპიონატის 33-ე ტურში ქართველების „ანორთოსისი“ ლიდერ „ომონიასთან“ 0:2 დამარცხდა.„ანორთოსისს“ სამეულში მოხვედრის შესაძლებლობა დაკარგული აქვს, მთელი ყურადღება თასზე გადაიტანა და დღევანდელ მატჩს არანაირი პრაქტიკული მნიშვნელობა არ ჰქონდა. ადგილობრივი მედიასაშუალებები იტყობინებოდნენ, რომ მწვრთნელი თემურ ქეცბაია ოთხივე ქართველს დაასვენებდა, თუმცა, მხოლოდ გიორგი ქვილითაია არ შეიყვანა განაცხადში. გიორგი ლორია, ბუბა დაუშვილი (კომპენსირებულ დროში ყვითელი ბარათი მიიღო) და თორნიკე ოქრიაშვილი სასტარტოში იყვნენ. ეს უკანასკნელი ქეცბაიამ შესვენების შემდეგ შეცვალა.
"ანორთოსისი" 54 ქულით მეოთხე ადგილზეა და ჩემპიონატის შემდეგ ტურში, 26 აპრილს "ოლიმპიაკოსს" შეხვდება.
ფამაგუსტურ გუნდს
პირველი ნახევარფინალური დაპირისპირება „აპოელთან“ 1:0 აქვს მოგებული, საპასუხო კი 21 აპრილს გაიმართება.
![alt](/pictures/image50/f7b8f80d7e64aad0bfa66e601b95aee4.jpg ""ანორთოსისი" ლიდერთან დამარცხდა და სათასო ბრძოლისთვის ემზადება")
დაუშვილის გაძევების მიუხედავად, "ანორთოსისმა" ფინალისკენ ნაბიჯი გადადგა
