მას შემდეგ, რაც გურამ გიორბელიძეს ძირითად შემადგენლობაში თამაშის საშუალება ეძლევა, მისი გუნდის საქმეები აშკარად უკეთესობისკენ მიდის. "ვოლფსბერგერმა" უკვე მეორე შეხვედრა მოიგო ისე, რომ გოლი არ გაუშვია.
ქართველ მარცხენა მცველს დამაჯერებელი შეხვედრა ჰქონდა. სანაკრებო დებიუტის შემდეგ მისი პროგრესი და თავდაჯერება კიდევ უფრო თვალშისაცემია. გიორბელიძე sofascore- მა ტურის სიმბოლურ ნაკრებშიც შეიყვანა.
ლუკა ლოჩოშვილი, მოგეხსენებათ, დისკვალიფიცირებულია, ოთარ კიტეიშვილმა კი 64 წუთი ითამაშა, ამ დროში კი ერთხელ ძლიერად დაარტყა, თუმცა სტუმართა მეკარემ მოიგერია.
ავსტრიის ჩემპიონატში "ზალცბურგი" გამოკვეთილი ფავორიტია, დანარჩენ კლუბებს კი ევროტურნირებზე გასვლის დაახლოებით თანაბარი შანსები აქვთ.
"შტურმი" უახლოეს ტურში "ლასკს" მიიღებს, "ვოლფსბერგერი" კი - სწორედ ლიდერ "ზალცბურგს".
გურამ გიორბელიძე: ცოტათი რომ გაგვმართლებოდა, ერთი ქულის მოპოვება შეგვეძლო
