"რუბინის" ნახევარმცველ ხვიჩა კვარაცხელიას "ლიდსში" შესაძლო გადასვლაზე წერილი ბრიტანულმა hitc.com-მა გამოაქვეყნა.
"რეპორტაჟი: "ლიდსი" ხვიჩა კვარაცხელიას ტრანსფერზე მილაპარაკებას აწარმოებს. "რუბინის" დირექტორი 26 მილიონ ფუნტს ითხოვს.
"ლიდსმა" ზაფხულში შეიძლება კიდევ ერთი გარემარბი დაიმატოს და ძიებამ რუსეთში მიიყვანა.
"რუბინის" ნახევარმცველი ხვიჩა კვარაცხელია პერსპექტიულია და როგორც ჩანს, "ლიდსს" ძალიან უნდა თავისთან, ინგლისში წაიყვანოს.
Soccer.ru-ს მტკიცებით, "ლიდსს" კვარაცხელიას შეძენა სურს და ვიკტორ ორტა (კლუბის დირექტორი) უკვე შეხვდა ფეხბურთელის წარმომადგენლებს, რათა განეხილათ პოტენციური ტრანსფერი.
ხვიჩასთვის შეიძლება დიდ ბრიტანეთში სამუშაო ვიზის მიღება პრობლემა გახდეს და თანაც, მისი
ეს იმას ნიშნავს, რომ "ლიდსს" კვარაცხელიას გადასაბირებლად სერიოზული ბრძოლა მოუწევს, მაგრამ ძნელია არ აგაღელვოს იმ პერსპექტივამ, რაც "რუბინში" გამოავლინა.
ის ჩინებული დრიბლინგის უნარების მქონე გარემარბია და გასაკვირი არ არის, რომ "ქართველი მესი" უწოდეს.
20 წლის კვარაცხელიამ ამ სეზონში 4 გოლი გაიტანა და 8 საგოლე გადაცემა გააკეთა, მარჯვენაფლანგელ რაფინიასთან ერთად "ლიდსში" დაუჯერებელი ტანდემის შექმნა შეუძლია.
რბოლის მოგება ადვილი არ იქნება და როგორც ჩანს, "ლიდსს" დიდი თანხის გადახდა მოუწევს. ყაზანური კლუბის სპორტული დირექტორი ოლეგ იაროვინსკი ამბობს, რომ ფეხბურთელს 30 მილიონ ევროდ აფასებენ, რაც იმას ნიშნავს, რომ "ლიდსს" 26 მილიონი ფუნტის გადახდა მოუწევს.
ეს დაახლოებით იმდენია, რამდენიც "ლიდსმა" გასულ ზაფხულს როდრიგოში გადაიხადა და უფრო მეტი, რაც რიო ფერდინანდის ტრანსფერი დაუჯდა (2000 წლის ნოემბერში "ვესტ ჰემისგან" იმ დროისთვის ბრიტანეთში სარეკორდო, 18 მილიონ ფუნტად იყიდა და მსოფლიოს ყველაზე ძვირად ღირებული მცველი გახდა - რედ.). ასე რომ, მოთხოვნილი თანხიდან გამომდინარე, ორტას დაფიქრება მოუწევს".
![alt](/pictures/image50/828778f05e179414e777b35260caef92.jpg "ბრიტანული მედია: "ქართველი მესის" შესაძენად "ლიდსს" 26 მილიონი ფუნტის გადახდა მოუწევს")
"ხვიჩა გუნდს სილამაზეს სძენს, მაგრამ თუ საუბარი კარგ ფულზეა, უნდა გაყიდონ" - ამბობს „რუბინის“ ყოფილი ფეხბურთელი
რუსები რომ მაქსიმალურად შეეცდებიან რომ ხვიჩა რუსეთში დატოვონ მაგაში ეჭვიც არ მეპარება თქვენ გაიხსენეთ არზუმის მაგალითი ირანელი ფეხბურთელი, რომელიც მართაც ძაან მაგარი ფეხბურთელია მასზეც ასევე ამბობდნენ, რომ ევროპაში გაუშვებდნენ ხელს არ შეუშლიდნენ მსოფლიო ჩემპიონატის შემდეგ და ა.შ ბოლოს აღმოჩნდა ზენიტში რუბინიდან ასე, რომ აქ უკვე ხვიჩაზეა დამოკიდებული ყველაფერი თუ ის პრინციპულად არ მოინდომებს ევროპაში წასვლას და რომელიმე რუსული გრანდის ზღაპრული კონტრაქტი თუ არ აცდუნებს ის აუცილებლად ითამაშებს ევროპულ გრანდში დღეს თუ არაა ხვალ ამისათვის უნდა წავიდეს მალევე თუ დიდი ფეხბურთის თამაში უნდა სექტემბრამდე სავარაუდოდ ყველაფერი გაირკვევა მაგრამ რუსების ნდობა არ შეიძლება.