"გაძარცვე ბანკი და მოიყვანე ის..." - "ლიდსის" გულშემატკივრები ხვიჩას მიმართ აღფრთოვანებას ვერ მალავენ

"ლიდს იუნაიტედის" გულშემატკივრები სოციალურ ქსელში ვიქტორ ორტას გადაწყვეტილებით ბედნიერები არიან. შეგახსენებთ, ეს უკანასკნელი ყაზანის "რუბინის" ქართველი შემტევის, ხვიჩა კვარაცხელიას გადაბირებით არის დაინტერესებული.

კვარაცხელია "ლიდსისთვის" ნამდვილად ბედნიერ სახელთანაა დაკავშირებული, თუმცა საკმაოდ ძვირად ღირებულთანაც, მაგრამ მათი გულშემატკივრებისთვის სიხარულის დაშლას ვერავინ შეძლებს.

მართლაც, ინგლისური გუნდის გულშემატკივრები გუნდის სატრანსფერო ბაზარზე ხვიჩას 
გამოჩენის შემდეგ მეცხრე ცაზე იმყოფებიან. 

"ქართველი შემტევი უამრავი ევროპული გრანდის მხედველობის არეშია, დაინტერესებიდან გამომდინარე კი, თავისუფლად შეგვიძლია ვთქვათ, რომ უდიდეს ტალანტთან გვაქვს საქმე. 20 წლის ფეხბურთელისთვის მოლაპარაკებებია საჭირო, ამას კი ხელმძღვანელობა გამართავს" - წერს hitc-ი.

ამავე გვერდზე შეხვდებით გულშემატკივრების რეაქციებს მას შემდეგ, რაც მათი გუნდისკენ მიმავალ სატრანსფერო გზაზე ხვიჩა კვარაცხელია გამოჩნდა:

- "გთხოვ, "ლიდს", მოიყვანეთ ეს ყმაწვილი";

- "მიდი, ვიქტორ, შენ შეგიძლია მისი მოყვანა";

- "საინტერესოა მსგავსი გარემარბი მთელი თავისი სისწრაფით. ის "ლიდსის" სქემაში შესანიშნავად ჩაჯდება";

- "20 წლის ფეხბურთელისთვის მაღალი სატრანსფერო ღირებულებაა. წესით, კარგ ფეხბურთელთან გვაქვს საქმე";

- "გაძარცვე ბანკი და მოიყვანე ის. მის თამაშს ორჯერ ვუყურე და აღფრთოვანებული დავრჩი".

წყარო: hitc

სერია A-ს სკაუტი: კვარაცხელია რუსეთში, იტალიური კლუბების ინტერესის მიხედვით, ლიდერია

ბრიტანული მედია: "ქართველი მესის" შესაძენად "ლიდსს" 26 მილიონი ფუნტის გადახდა მოუწევს