საქართველოს ნაკრებისა და "ანორთოსისის" ფორვარდმა, გიორგი ქვილითაიამ "ინსტაგრამის" საკუთარ გვერდზე ვრცელი მიმართვა გაავრცელა. ის მადლობას უხდის კლუბსა და გულშემატკივრებს:"ბედნიერი და გახარებული ვარ რომ სეზონი ტიტულით დავამთავრეთ! მთელი წლის მანძილზე იყო ბევრი წარმატება, წარუმატებლობა, მაგრამ ბედნიერებაა, როდესაც წელს ტიტულით ამთავრებ!
მინდა ყველას მოგილოცოთ ეს გამარჯვება და მადლობა გადაგიხადოთ იმ ემოციებისვის რაც ფინალის წინ მივიღეთ, რამაც ძალიან დიდი მუხტი მოგვცა და მოგვცა ძალა თასი ლარნაკაში ჩამოგვეტანა!
მადლობა "ანორთოსისის" თითოეულ წევრს იმისთვის, რომ გუნდის ოჯახის წევრად მიმიღეს, რამაც ადაპტაცია ძალიან გამიმარტივა.
მადლობა
განსაკუთრებული მადლობა კვიპროსელ გულშემატკივარს. მათი ემოციები მთელი ცხოვრება გამყვება."
როგორც ჩანს, ქვილითაია გუნდს ტოვებს. შეგახსენებთ, თავდამსხმელმა კვიპროსის განვლილ ჩემპიონატში 14 გოლი გაიტანა, თასის ფინალში კი გადამწყვეტი დარტყმის ავტორი გახდა. ჯერჯერობით უცნობია, სად გააგრძელებს ის კარიერას.
"ქვილითაიამ ხუთი წაგებული ფინალის შემდეგ გაიმარჯვა, თუმცა მისი შენარჩუნება იოლი არ იქნება" - კვიპროსული მედია გიორგიზე წერს
![ქვილითაია შეცვლაზე შევიდა და გამარჯვების გოლი გაიტანა [VIDEO]](/pictures/image7/aadcdae6e21b47ebad0460b665f589a8.jpg "ქვილითაია შეცვლაზე შევიდა და გამარჯვების გოლი გაიტანა [VIDEO]")
![დვალის და ქვილითაიას "აპოელი" კვიპროსის ჩემპიონი გახდა [VIDEO]](/pictures/image7/52eb38e999bd1ea764ade5fe81de4b6e.jpg "დვალის და ქვილითაიას \"აპოელი\" კვიპროსის ჩემპიონი გახდა [VIDEO]")
