"მეცს" მაღალი მიზნები აქვს - სად ითამაშებს მიქაუტაძე?!

გიორგი მიქაუტაძის ფრანგულმა "მეცმა" ლიგა 1-ის გასული სეზონი მეათე ადგილზე დაასრულა და ევროზონას ვერ შესწვდა - მეექვსეადგილოსან "რენს" 11 ქულით ჩამორჩა.

გუნდის ხელმძღვანელობა ყველაფერს აკეთებს, რათა მომავალ სეზონში მაღალი მიზნებისთვის იბრძოლონ და ამისთვის გაძლიერებას გეგმავენ.

საქართველოს ნაკრების ფორვარდ გიორგი მიქაუტაძეს ბელგიურ "სერენში" იჯარა ამოეწურა.
ჯერჯერობით კლუბს გადაწყვეტილება არ მიუღია, გიორგის ისევ გაანათხოვრებენ თუ თამაშის საშუალებას მისცემენ. გასულ სეზონში "მეცის" ყველაზე შედეგიანი ფორვარდი 22 წლის იბრაჰიმ ნიანი იყო. სენეგალელმა 6 გოლი გაიტანა.

"მეცი" სოფიანე ალაკუჩითაა დაინტერესებული. ლიგა 1-დან გავარდნილი "ნიმის" 22 წლის ფლანგელმა გასულ სეზონში 22 მატჩი გამართა და 2 საგოლე პასი შეასრულა. სავარაუდოდ, გუნდს დატოვებს 25 წლის მარჯვენა მცველი ფაბიან ცენზონე და თურქულ "ტრაბზონსპორში" გადაბარგდება.

საფრანგეთის ლიგა-1-ის 2021-22 წლების სეზონის კალენდარი ჯერ არ გამოქვეყნებულა.

შეგახსენებთ, 20 წლის გიორგი მიქაუტაძეს ბელგიურ "სერენში" მშვენიერი სეზონი ჰქონდა და გუნდის საუკეთესო ფეხბურთელად დასახელდა. ქართველმა ფორვარდმა, პლეი-ოფების ჩათვლით, 22 გოლის გატანა შეძლო და საკუთარი კლუბის ბელგიურ ელიტაში აღზევებაში უდიდესი როლი შეასრულა. მიქაუტაძემ საქართველოს ეროვნული ნაკრების შემადგენლობაში სადებიუტო გოლი გაიტანა.

მომზადებულია livefoot-ის მიხედვით

"ქართველი თავდამსხმელი როგორ არ ვახსენოთ?!" - მიქაუტაძე სიმბოლურ გუნდშია...

გიორგი მიქაუტაძე საქართველოს ნაკრებზე საუბრობს