ვლადიმირ ვაისის გაწვრთნილმა ბრატისლავის "სლოვანმა" ჩემპიონთა ლიგის მეორე საკვალიფიკაციო ეტაპზე გასასვლელად დიდი ნაბიჯი გადადგა - ირლანდიური "შემროკი" პირველ მატჩში 2:0 დაამარცხა.გურამ კაშიამ 90 წუთი ითამაშა, ჯაბა კანკავა კი, რომელმაც ყვითელი ბარათი მიიღო, 73-ე წუთზე შეცვალეს.
სლოვაკებმა ბრაზილიელი რაფაელ რატაოს დუბლით გაიმარჯვეს. ქართველების გუნდის უპირატესობა უფრო დიდი იქნებოდა, მატჩის 95-ე წუთზე ვლადიმირ ვაის-უმცროსს თერთმეტმეტრიანი რომ გამოეყენებინა.
განმეორებითი შეხვედრა ირლანდიაში 13 ივლისს გაიმართება. შემდეგ ეტაპზე გასვლის შემთხვევაში "სლოვანის" მეტოქე შვეიცარიის ჩემპიონი "იანგ ბოისი" იქნება.
"ნეფთჩის" მწვრთნელი: დაძაბულობა აქამდეც იყო და კიდევ უფრო გაიზრდება
ხურციძის დუბლი ჩემპიონთა ლიგის პირველ საკვალიფიკაციოზე [VIDEO]
