გუშინ, გასვლაზე "ნიჟნი ნოვგოროდთან" წაგებულ მატჩში (1:2), "რუბინის" ნახევარმცველი ხვიჩა კვარაცხელია 52-ე წუთზე შეცვალეს და მან უკმაყოფილომ დატოვა მოედანი. soccer.ru-მ რუსეთის პრემიერლიგის მე-17 ტურის ანტინაკრებში კვარაცხელია თანაგუნდელ მცველ გეორგი ზოტოვთან ერთად შეიყვანა და ასე დაახასიათა:
"გასულ სეზონში შეუჩერებელი იყო, ზედიზედ მეორედ მიიღო ჩემპიონატის საუკეთესო ახალგაზრდა ფეხბურთელის პრიზი. ზაფხულში დაწინაურების იმედი ჰქონდა, მაგრამ ყაზანში დარჩა და ახლა უფრო ხშირად იტანჯება, ვიდრე თამაშობს.
"ნიჟნი ნოვგოროდთან" მატჩმა იმედგაცრუების მორიგი ულუფა მოუტანა: ხვიჩას არც ერთი დარტყმა და 10 ზუსტი გადაცემა 52 წუთში. სლუცკიმ მეორე
ტაიმის დასაწყისში ქართველი თამაშიდან ჩახსნა".
გამოცემამ ანტინაკრებში შეყვანის პატივი მეკარე იური დიუპინსა და მწვრთნელ ლეონიდ სლუცკის არ დასდო (თუმცა, იმსახურებდნენ), სრულად კი ეს "გუნდი" ასე გამოიყურება:
მეკარე: ვიტალი გუდიევი (ახმატი)
მცველები: ეგაშ კასინტურა (უფა), დმიტრი ჩისტიაკოვი (ზენიტი), ტინ ედვაი (ლოკომოტივი), გეორგი ზოტოვი (რუბინი)
ნახევარმცველები: იბრაგიმ ცალაგოვი (სოჭი), რუსლან ლიტვინოვი (სპარტაკი), ალეკსანდრ ეროხინი (ზენიტი)
თავდამსხმელები: ხვიჩა კვარაცხელია (რუბინი), ვიაჩესლავ კროტოვი (უფა), ვიტალი ლისაკოვიჩი (ლოკომოტივი)
მწვრთნელი: მარკუს გისდოლი (ლოკომოტივი)
![alt](/pictures/image50/710aee813a113bce429e23f41dca2d34.jpg ""ხვიჩას ტანჯვა და ტურის ანტინაკრები" - soccer.ru-ს შეფასება")
მაშინ იგნატიევი ათამაშონ - რუსები კვარაცხელიას თამაშსა და შეცვლას ირონიულად ეხმაურებიან
