სამხრეთ კორეის ჩემპიონატის დასრულების შემდეგ K League 1-ის ხელმძღვანელობამ რჩეულები გამოავლინა. საქართველოს ნაკრების წევრი ვაკო ყაზაიშვილი სეზონის საუკეთესო ნახევარმცველად დასახელდა და სიმბოლურ ნაკრებშიც შევიდა.
მოგეხსენებათ, ჩემპიონატი 2 ნაწილისგან შედგებოდა - ძირითადი ეტაპის დასრულების შემდეგ ერთმანეთს საჩემპიონო ექსვეულის გუნდები დაუპირისპირდნენ. ვაკოს "ულსან ჰიუნდაიმ", რომელიც მოქმედი ჩემპიონი იყო, 2021 წლის სეზონი მე-2 ადგილზე დაასრულა.
რაც შეეხება ყაზაიშვილს - 28 წლის ფეხბურთელმა მოწინააღმდეგეთა კარი 9-ჯერ აიღო, რასაც 3 საგოლე პასიც დაამატა.
![ყაზაიშვილის 2 საგოლე პასი - მისი გუნდი აზიის ჩემპიონთა ლიგის 1/4-ფინალში გავიდა [VIDEO]](/pictures/image7/ee330124588ac529496941a9f620742c.jpg "ყაზაიშვილის 2 საგოლე პასი - მისი გუნდი აზიის ჩემპიონთა ლიგის 1/4-ფინალში გავიდა [VIDEO]")
