tothemaonline-ი ქართველი გულშემატკივრებისათვის საინტერესო ინფორმაციას ავრცელებს, რომელიც ნიკა ნინუას მომავალს ეხება:"ჩრდილოირლანდიელი ლაფერტის შემდეგ, რომელიც თემურ ქეცბაიას გეგმებს მიღმა დარჩა, "ანორთოსისს" ნიკა ნინუაც დატოვებს.
შეგახსენებთ, რომ ფამაგუსტის კლუბმა ქართველი ნახევარმცველი "პაოკიდან" ერთწლიანი იჯარით, 2021 წლის 1-ელ სექტემბერს გადაიბირა.
მიუხედავად ძალიან კარგი რეკომენდაციებისა, რაც მას გუნდში მისვლისას "ახლდა", ნიკამ იმედები ვერ გაამართლა და სალონიკში დაბრუნდება."
22 წლის ნინუა "ანორთოსისის" განაცხადში საკმაოდ დიდი ხანია, აღარ გვინახავს. რაც შეეხება "პაოკს", სადაც ქართველ ნახევარმცველს ასევე ნაკლებად ენდობოდნენ, ისინი საბერძნეთის სუპერლიგაში მე-4 ადგილს იკავებენ.
ქეცბაია: ნინუას აქ ყოფნით ბედნიერნი არ ვართ და თავადაც არაა კმაყოფილი
"ანორთოსისი" ნინუას ნაკრებში მოხვედრას გაუმარტივებს - კვიპროსული მედია
