ჰაკშაბანოვიჩის ცუდ თამაშს კვარაცხელიაც განაპირობებს - tatar-inform

რუსული მედია "რუბინის" წარუმატებელი სეზონის შესახებ ისევ აქტიურად მსჯელობს. tatar-inform-ი წერს:

"გუნდში ახალწვეულებიდან მხოლოდ დრეიერთან დაკავშირებით შეგვიძლია ვთქვათ, რომ მან "რუბინი" ნამდვილად გააძლიერა. დანიელმა 12 მატჩში უკვე 7 გოლი გაიტანა, რაც ფლანგის ნახევარმცველისთვის კარგი სტატისტიკაა.

ჰაკშაბანოვიჩი ყაზანელთა შემტევ ხაზში ასეთი წარმატებებით ვერ დაიკვეხნის - 18 მატჩში მხოლოდ ერთი გოლი აქვს გატანილი. ეს ნაწილობრივ იმითაა განპირობებული, რომ მონტენეგროელის მშობლიური პოზიცია შეტევის მარცხენა ფლანგია, სადაც ხვიჩა კვარაცხელია უალტერნატივოა. მარჯვენა ფლანგსა და ნახევარდაცვის ცენტრში ჰაკშაბანოვიჩმა თავისი პოტენციალის გამოვლენა ჯერ ვერ მოახერხა."

სეად ჰაკსაბანოვიჩი 22 წლისაა. გასულ ზაფხულს "რუბინმა" ის შვედური "ნორჩოპინგიდან" გადაიბირა. მაშინ დაიწერა, რომ კლუბმა მარცხენაფლანგელი ხვიჩა კვარაცხელიას მოახლოებული ტრანსფერის გამო შეიძინა. გოლის გარდა, მონტენეგროელს 2 საგოლე გადაცემაც აქვს.

შეგახსენებთ, "რუბინი" 18 ტურის შემდეგ მხოლოდ მე-10 ადგილს იკავებს. რუსეთის პრემიერლიგა გაზაფხულზე განახლდება. 

"კვარაცხელია შეუცვლელი აღარაა" - რუსები ხვიჩას, ბაკაევისა და დრაიერის როლებზე წერენ

მაშინ იგნატიევი ათამაშონ - რუსები კვარაცხელიას თამაშსა და შეცვლას ირონიულად ეხმაურებიან

ხვიჩა შარშანდელზე ცუდად ასპარეზობს, მაგრამ ეს იმიტომ არ ხდება, რომ ასე სურს - ცნობილი მწვრთნელი სეზონს აფასებს