ბუდუ ზივზივაძე "ფეჰერვარიდან" "უიპეშტში" გადავიდა და პირველივე მატჩში თავის ყოფილ გუნდს გაუტანა.
ზივზივაძეს "ფეჰერვარში" მწვრთნელი იმრე საბიჩი სასტარტოში იშვიათად აყენებდა, 11 თებერვალს იჯარის წესით "უიპეშტში" ზაფხულამდე გაუშვეს და ბედის ირონიით პირველივე შეხვედრაში თავის ყოფილ გუნდთან მოუწია თამაში, რომელსაც უკვე საბიჩის ნაცვლად გერმანელი მიხაელ ბორისი ჩაუდგა სათავეში.
უნგრეთის ჩემპიონატის 21-ე ტურში "უიპეშტმა" გასვლაზე 2:1 დაამარცხა "ფეჰერვარი", ერთი გოლი კი ბუდუმ გაიტანა.
m4sport-ი იტყობინება, რომ ქართველი ზემოტივირებული იყო და გიორგი ბერიძესთან ერთად ძალიან აქტიური გახლდათ.
47-ე წუთზე "უიპეშტი" იოჰან გროიზეტმა დააწინაურა, 74-ე წუთზე ბუდუმ დალაშქრა მეტოქის კარი, ხოლო 87-ეზე ნემანია ნიკოლიჩმა ერთი საპასუხო გოლი გაიტანა.
ზივზივაძემ 79-ე წუთამდე ითამაშა, ბერიძემ კი 63-მდე.
"უიპეშტი" 21 ქულით ბოლოსწინა, მე-11 ადგილზეა და 27 თებერვალს "მეზოკოვეშდს" უმასპინძლებს. ასე რომ, ბუდუს თავის კიდევ ერთ ყოფილ გუნდთან მოუწევს დაპირისპირება. მან ამ სეზონში ჩემპიონატის 13 მატჩში 3 გოლი გაიტანა.
![alt](/pictures/image50/63200792f53f1aea2e5b1f68e257648a.jpg "ზივზივაძემ პირველივე მატჩში "ფეჰერვარზე" ჯავრი იყარა")
ბუდუ ბერიძესთან ერთად "უიპეშტის" გადასარჩენად იბრძოლებს
!["შენთანა ვარ, ნურაფრის ნუ გეშინია" - ზივზივაძემ საქართველოს ნაკრებში გადაღებული ფოტოს ისტორიები გაიხსენა და "ზღაპრის ბოლო კეთილია" შეასრულა [VIDEO]](/pictures/image7/4d64680208741297beef6615ad9f01d6.png "\"შენთანა ვარ, ნურაფრის ნუ გეშინია\" - ზივზივაძემ საქართველოს ნაკრებში გადაღებული ფოტოს ისტორიები გაიხსენა და \"ზღაპრის ბოლო კეთილია\" შეასრულა [VIDEO]")
რაც ამ 2 წუთიან მონაკვეთში გამოჩნდა, მტერს არ ვუსურვებ!!!
ვერც ერთი აზრიანი გასატანი ვერ გაიტანა და გასავარდნად განწირულ გუნდში მიტომაც გაუშვეს...
მერე იტყვის ნაკრებშიო და ა.შ.