"ვალენსიამ" ბოლო ხუთ მატჩში მხოლოდ ერთი გაშვებული გოლით დაცვითი სიძლიერე აღიდგინა. მიუხედავად იმისა, რომ ამ პერიოდში სამი თამაში მოიგო და ორი ფრედ დაასრულა, გუნდმა ცხრილში წინსვლა ვერ მოახერხა.ზედიზედ მეხუთე ტურია, ხოსე ბორდალასის გაწვრთნილი გუნდი მეცხრე პოზიციას იკავებს. არადა, ამ დროს თხუთმეტიდან თერთმეტი ქულა მოიპოვა.
მიუხედავად იმისა, რომ ეს სერია უფრო მეტ პოზიტიურ შეგრძნებებს ტოვებს, ვიდრე ნეგატიურს, ევროტურნირების საგზურს მაინც არ იძლევა.
ბოლო ხუთ შეხვედრაში საშუალოდ 0,20 გაშვებული გოლი, განსაკუთრებით მაშინ, როცა წინა პერიოდში საშუალოდ 1,68 იყო, მშვენიერი შედეგია.
ანეკდოტურად
"ვალენსიას" დაცვითი შედეგების გაუმჯობესების მთავარი "გასაღები" ქართველი მეკარე გიორგი მამარდაშვილია, რომელიც თებერვალში დაბრუნდა და მართალია, პირველ თამაშებში არ ბრწყინავდა, ახლა კარს "მშრალად" ინახავს. ამ პერიოდში "ღამურების" მიერ გაშვებული ერთადერთი გოლი მაშინ გავიდა, როცა კარს ხაუმე დომენეკი იცავდა.
დაცვაში გაბრიელ პაულისტას დაბრუნებამ ასევე შეუწყო ხელი გუნდის უკანა ხაზში უფრო მყარად ყოფნას.
"ვალენსიას" შეუძლია მე-6 პოზიციაზე იფიქროს, თუმცა მომავალ წელს ევროტურნირებზე ასპარეზობას თასის ფინალში გამარჯვებითაც მოახერხებენ - 23 აპრილს "ბეტისის" წინააღმდეგ.
მომზადებულია plazadeportiva-ს მიხედვით
![alt](/pictures/image50/8a99088102c7e2b959ff8fef6b9810a8.jpg "მამარდაშვილი, როგორც შედეგების გაუმჯობესების მთავარი "გასაღები" - ესპანური მედია")
გაფრინდა და ნეგრედოს არ გაატანინა - მამარდაშვილის ზედიზედ მეექვსე მშრალი მატჩი [VIDEO]
![მამარდაშვილის "ვალენსიამ" ორი თვის შემდეგ პირველად გაიმარჯვა [VIDEO]](/pictures/image7/b75b126b091e001c90d49f17018e975b.jpg "მამარდაშვილის \"ვალენსიამ\" ორი თვის შემდეგ პირველად გაიმარჯვა [VIDEO]")
