უნგრეთის ჩემპიონატის უკანასკნელ ტურში თავი "უიპეშტის" ქართველმა ლეგიონერებმა გიორგი ბერიძემ და ბუდუ ზივზივაძემ გამოიჩინეს.
გასვლაზე "მეზოკოვეშდთან" მოგებულ მატჩში (3:2) ჩვენებურებმა გოლები გაიტანეს.
ბერიძემ ამ სეზონში ჩემპიონატზე 27 მატჩში 8 გოლი გაიტანა, ხოლო ზივზივაძემ, რომელიც ბუდაპეშტურ გუნდში ზამთარში გადავიდა, 12 შეხვედრაში - 11 გოლი. პირველ წრეში მან "ფეჰერვარის" შემადგენლობაში 2-ჯერ დალაშქრა მეტოქეთა კარი.
ბერიძეს "უიპეშტთან" კონტრაქტი დაუსრულდა, ზივზივაძე კი იჯარის წესით თამაშობდა და ჯერ უცნობია, გააგრძელებენ თუ არა ამ გუნდში ასპარეზობას.
"უიპეშტი" ამჟამად მეხუთე ადგილზეა, მაგრამ "პაკშის" შეუძლია გადაასწროს. გუნდს გასავარდნად ჰქონდა საქმე და გადაუჭარბებლად შეიძლება ითქვას, ქართველების ძალისხმევით არათუ ლიგაში დარჩენა მოახერხა, არამედ ლიდერთა ჯგუფს მიუახლოვდა, თუმცა ევროტურნირებზე გასვლა ვერ შეძლო.
![alt](/pictures/image50/e9b9c5ca7e19461469fb280278443e04.jpg "ბერიძემ და ზივზივაძემ "უიპეშტი" გადაAრჩინეს და ჩემპიონატი გოლებით დაასრულეს [VIDEO]")
ბუდუს მე-10 გოლი "უიპეშტში" და სამწუხარო მარცხი ჩერჩესოვის "ფერენცვაროშთან"
!["შენთანა ვარ, ნურაფრის ნუ გეშინია" - ზივზივაძემ საქართველოს ნაკრებში გადაღებული ფოტოს ისტორიები გაიხსენა და "ზღაპრის ბოლო კეთილია" შეასრულა [VIDEO]](/pictures/image7/4d64680208741297beef6615ad9f01d6.png "\"შენთანა ვარ, ნურაფრის ნუ გეშინია\" - ზივზივაძემ საქართველოს ნაკრებში გადაღებული ფოტოს ისტორიები გაიხსენა და \"ზღაპრის ბოლო კეთილია\" შეასრულა [VIDEO]")
