"ვალენსიას" სილესენი დატოვებს და მამარდაშვილი გუნდის ძირითადი მეკარე გახდება

გიორგი მამარდაშვილის "ვალენსია" ახალი სეზონისთვის ემზადება. ესპანურმა გამოცემა AS-მა "ღამურების" შესახებ სტატია გამოაქვეყნა.

"კლუბის მძიმე ფინანსური სიტუაციის გათვალისწინებით, ნაკლებად სავარაუდოა, რომ გუნდმა შემადგენლობა გააუმჯობესოს. ეჭვგარეშეა, რომ მამარდაშვილი კიდევ უფრო მეტ სათამაშო დროს მიიღებს. სავარაუდოდ, "ვალენსია" სილესენს გაყიდის. წასვლა თავად მოთამაშესაც სურს, რადგან მსოფლიო ჩემპიონატზე გასამგზავრებლად მეტი პრაქტიკის მიღება სურს. ხაუმე და რივერო მამარდაშვილის კონკურენტები იქნებიან.

გუნდის ახალ თავკაც ჯენარო გატუზოს სურს, სამივე მეკარეს დააკვირდეს და ამის შემდეგ მიიღოს გადაწყვეტილება. თუ "რინო" გადაწყვეტს, რომ მამარდაშვილს კონკურენტად გამოცდილი მეკარე დასჭირდება, ვალენსიელები ვეტერანი გოლკიპერის, ვისენტე გუაიტას კანდიდატურას განიხილავენ. ესპანელი კიპერი 3 წლის წინ დაბრუნებასთან ახლოს იყო, თუმცა გუაიტამ "კრისტალ პალასთან" კონტრაქტი 3 წლით გაახანგრძლივა".

შეგახსენებთ, "ვალენსია" 14 აგვისტოს, ლა ლიგის 1-ელ ტურში, "ჟირონას" დაუპირისპირდება.