eldesmarque იტყობინება, რომ "ვალენსია" ახალი მწვრთნელის, ჯენარო გატუზოს ხელმძღვანელობით, დღეში ორჯერ ვარჯიშობს, მაგრამ გიორგი მამარდაშვილსა და სერბ უროშ რაშიჩს პრობლემა შეექმნათ და მადრიდში გაემგზავრნენ.
საქმე ისაა, რომ ბრექსიტის გამო ევროკავშირის ტერიტორიაზე გადაადგილების წესები შეიცვალა და მათ ახალი ვიზები უნდა აიღონ.
გამოცემის ცნობით, ისინი მაქსიმუმ ხუთშაბათს დაბრუნდებიან და 30 ივლისს "ნოტინგემ ფორესტთან" ამხანაგურ მატჩში მიიღებენ მონაწილეობას.
"ვალენსია" კიდევ სამ საკონტროლო შეხვედრას გამართავს: 18 ივლისს "დორტმუნდთან", 23 ივლისს "შტუტგარტთან" და 6 აგვისტოს "ატალანტასთან", ხოლო 14 აგვისტოს, ლა ლიგის პირველ ტურში, "ჟირონას" უმასპინძლებს.
![მამარდაშვილს, რომელმაც "ვალენსიას" უკაპიტნა, პენალტი ვერ გაუტანეს და მეთორმეტედ შეინახა კარი მშრალად [VIDEO]](/pictures/image7/cb9c1d106e44b628874afc76ebaa3278.jpg "მამარდაშვილს, რომელმაც \"ვალენსიას\" უკაპიტნა, პენალტი ვერ გაუტანეს და მეთორმეტედ შეინახა კარი მშრალად [VIDEO]")
