ქართული ფეხბურთი

ლეგიონერები

00:06 02-08-2022

კვირკველია: მიზანი ჩემპიონთა ლიგაზე გასვლაა - იმაზე არ ვიფიქრებ, როგორ გავხდე "ნეფთჩის" ლეგენდა

AutoSharing Option Yes No

ლიმასოლში "არისთან" 0:2-ის დამარცხების შემდეგ "ნეფთჩიმ" ბაქოში 3:0 სძლია კვიპროსულ გუნდს და კონფერენს ლიგის მესამე რაუნდში გავიდა. azerisport-მა ინტერვიუ ჩამოართვა "ნეფთჩის" მცველ საბა კვირკველიას.

- ვფიქრობ, ტოპ-გუნდში მოვხვდი. "ნეფთჩი" დიდი ისტორიისა და ტრადიციების კლუბია. მიხარია, რომ აქ მოვხვდი. ყველა ვარიანტიდან, რომლებიც მქონდა, არჩევანი სწორედ აზერბაიჯანულ კლუბზე გავაკეთე, სადაც ევროტურნირებზე თამაში შემიძლია, ჩემპიონობისთვის ბრძოლა და შემდგომ ჩემპიონთა ლიგაზე ასპარეზობა.

- ე.ი. გუნდში მოსვლიდან რამდენიმე კვირის მერე არ ნანობთ, რომ "ნეფთჩის" შეთავაზებას დათანხმდით?

- რას ამბობთ, ასეთი რამ თავში არც მომივიდოდა. პირიქით, დილით

გაღვიძებისას ბაზაზე დიდი სიამოვნებით მივდივარ, რათა ბიჭები ვნახო, ვივარჯიშო.

- სხვათა შორის, ბევრს არ სჯეროდა, რომ "არისთან" 0:2 დამარცხების შემდეგ "ნეფთჩი" დაპირისპირების თავის სასარგებლოდ გარდატეხას შეძლებდა, შედეგის გარდა ხომ ნდობას თვით გუნდის თამაში არ იწვევდა. ამასთან დაკავშირებით რას ფიქრობდით?

- გუნდში საკმაოდ ბევრი ახალწვეულია, მათ შორის, მე. 5-6 ახალწვეული - ეს ცოტა არაა და არავინ მოელოდა, რომ უცბად ავთამაშდებოდით. პირველივე მატჩში ერთმანეთის 100%-ით არ გვესმოდა. მერე ამ ნაკლის გამოსასწორებლად ერთი კვირა გვქონდა. შედეგი ყველამ ნახა. ყოველდღე ჩვენ უკეთესები და უკეთესები გავხდებით. ერთად თამაშს როდესაც შევეჩვევით, შედეგებიც უკეთესი იქნება.

- აქამდე აზერბაიჯანულ გუნდს ევროთასებზე თამაში 0:2-დან არ შემოუტრიალებია...

- ეს ოდესმე ხომ უნდა მომხდარიყო (იღიმის)?

- ასეა თუ ისე, მიუხედავად ასეთი დამაჯერებელი გამარჯვებისა, საპასუხო შეხვედრაში "ნეფთჩის" თამაში ყველას როდი მოეწონა. ამაზე რას იტყვით?

- ვისაც ჩვენი თამაში არ მოეწონა, სპორტის სახეობის გამოცვლას ვურჩევ. მთელი 90 წუთის მანძილზე მეტოქე პრესინგის ქვეშ გვყავდა, ჩვენი თამაშის შემხედვარე მთელი სტადიონი ფეხზე იდგა. ვიბრძოდით და ბოლოს და ბოლოს სამი შესანიშნავი გოლი გავიტანეთ.

- როგორია მესამე ეტაპზე ავსტრიის "რაპიდთან" შანსები? თქვენ ამ გუნდზე რა იცით?

- შანსი ყოველთვის არსებობს. მოსამზადებლად კიდევ ცოტა დრო გვაქვს. საკმაოდ კვალიფიციური მწვრთნელი გვყავს, გაარჩევს მოწინააღმდეგის თამაშს და საჭირო ინფორმაციას მოგვაწვდის. ასე რომ, მოედანზე გასვლისას მეტოქის ძლიერი და სუსტი მხარეები გვეცოდინება.

- დავუბრუნდეთ აზერბაიჯანში თქვენ გადმოსვლას. ჩვენთან არაერთმა ქართველმა ფეხბურთელმა ითამაშა. გადაწყვეტილების მიღებამდე ვინმეს რჩევა ჰკითხეთ?

- ვერავისთან დალაპარაკებაც კი ვერ მოვასწარი, რადგან ყველაფერი ძალიან მალე მოხდა. "ნეფთჩის" ინტერესზე როცა მითხრეს, სახლში ვიჯექი, ერთი საათის შემდეგ კი თურქეთში სამედიცინო შემოწმების გასავლელად ჩემოდნები ჩავალაგე.

- თქვენს პოზიციაზე თავის დროზე ვალერი აბრამიძე თამაშობდა...

- მე ყველას ვიცნობ. ყველასთან კარგი ურთიერთობა მაქვს. საქართველო დიდი ქვეყანა არაა და ყველა ფეხბურთელი ერთმანეთს იცნობს. ვინც სადაც უნდა წავიდეს, ყველას ვგულშემატკივრობთ.

- იცით თუ არა, რომ "ნეფთჩის" ისტორიაში ყველაზე დიდი ვარსკვლავი გიორგი ადამია იყო?

- დიახ, ეს უკვე მითხრეს. კარგია, რომ კლუბში, სადაც ვასპარეზობ, ქართველ ფეხბურთელებს ასე აფასებენ.

- შესაძლოა, გუნდის ახალი ლეგენდა სწორედ თქვენ გახდეთ? გაქვთ სურვილი, "ნეფთჩიში" თქვენი კვალი დატოვოთ?

- ვეცდები, დანარჩენს კი დრო გვაჩვენებს. თუ შედეგი იქნება, დანარჩენი ავტომატურად მოვა (იღიმის). მთავარია - შედეგი ვაჩვენოთ, კარგად თამაშს ვეცადოთ. არ დავჯდები და იმაზე არ ვიფიქრებ, როგორ გავხდე "ნეფთჩის" ლეგენდა. ახლა ჩემი ამოცანაა 4 აგვისტოს "რაპიდთან" მატჩზე გავიდე და გუნდისთვის მაქსიმალურად სასარგებლო ვიყო. ქომაგებმა კი, დაე, შემდეგ თავად გადაწყვიტონ, ვინაა ლეგენდა და ვინ არა.

alt საბა კვირკველია "ნეფთჩის" ფეხბურთელი გახდა

ტეგები:

საბა კვირკველია

ნეფთჩი

შეაფასეთ სტატია:

მკითხველის კომენტარები / 6 /

თარიღის მიხედვით

მოწონებების მიხედვით

წარმატებები, მაგრამ ნეფთჩის ლეგენდობა კომიკურად ჟღერს

ლადო

გამოხმაურება

02 აგვისტო 2022 11:08

სიტყვა დაე იხმარა კვირკველიამ?)))))))))))))))

ვენეციის კომისია

გამოხმაურება

02 აგვისტო 2022 11:04

თავდამსხმელი სწრაფი თუ დატრიალდა სახით მოწინააღმდეგისკენ რთულდება ამოცანა.ადამია ისე იღებდა ბურთს სახით იდგა უკვე თავშივე უმოქნილესი ფეხები ქონდა.ერთი გავაჩერე 17 წლქმდელათა თავდასხმელი არ დავატრიალე.მანამდე ტვონი წაიღეს ასეთია ისეთია .ამას ვერ მოვუხერხე ვერაფერი .სისწრაფე აზროვნება ერთ ტემპში.იმდენად დქვიღალე გამომცვალეს მეორე ტაიმში.მართლაც მაგარი იყო მეტს იმსახურებდა უკეთეს ლიგებს.სასიხარულოა რომ საუკეთესო ყოფილა

გამოხმაურება

02 აგვისტო 2022 08:44

რეზო ძოძუაშვილი,"ქართულ ტვ-ზე"თავის გადაცემაში,ძალიან ხშირად სწორედ ამაზე აკეთებს აქცენტს,რომ ქართველმა მცველებმა,ხშირად არ იციან როგორ ეთამაშონ,საიდან მიუდგნენ მეტოქეს და სწორედ ამის გამო,თავიდანვე აგებენ პოზიციას და მერე იძულებით ჯარიმდებიანო.მართლაც აშკარად ჩანს ხოლმე ეს ნაკლი და პრესინგიც ხშირად ამის გამო გამოგვდის ჯარიმით დამთავრებული,ან უშედეგო.ადრე,ეტყობა ამას უფრო დიდი ყურადღება ექცეოდა.დღეს კი,ბევრი ელემენტარული,სავარაუდოდ არ იციან.ბათუმელების კარში კუთხურიდან გატანილი, ჯარიმაც მაგისი დასტურია.ეს იციან,როგორ არ იციან,მაგრამ ოქროს წესი,სავალდებულოდ არ ჩათვალეს და დაისაჯნენ კიდეც.

სოსო

02 აგვისტო 2022 12:50

კოპალეიშვილის დინამოდან თამაშის დროს გამორჩეული იყო ხიზანიშვილი და ადამია ტურნირზე შევხვდით დინამოს გვერდზე ქვიშინ სრადიონზე.ადამია უსწრაფესი იყო ვედექი გამაკვირვა და მეტსაც იმსახურებდა ასე მგონია ძლიერ ჩემპიონატში თამაშს.ხიზანა ფაქტიურად ცენტრალურ მცველად თამაშობდა და უშეცდომოდ მოქმედებდა განაწილებები იგრძნობოდა რომ სხვა დონე იყო.უკვე დიდი ფეხბურთელივით თამაშობდა .წავაგეთ გამოგონილი პენალტით .გოლი არ ჩაგვითვალეს .ხიზანა ძაან გონიერი იყო .მაგარი იყო სამხარაძე გიორგი ფაქტიურად დაჭერა შეუძლებელი იყო ასეთი შემთხვევა არ ყოფილა .ამოცანის შეუსრულებლობა .:))სივრცე და დამტავრდა 5 ადამიანი ვერ ეწეოდა ფურთი ფეხში .

გამოხმაურება

02 აგვისტო 2022 08:19

ძალან სწორად მოიქცა ნეფთჩიში რომ გადავიდა ვუყურე თამასშს და ძალიან კარგად ითამაშა !(ამიტომაც ჩამოართვეს ინტერვიუ) და ჯგუფური ეტაპიც განაღდებული აქვთ თუ ჩემპიონთა ლიგა არა ევროპა ლიგა მაინც და ესეც ძალიან კარგია ! საბამ სულ ცოტა 3-4 წელი უნდა ითამაშოს კიდევ ნაკრებში და ეს ყველაფერი გამოადგება სანაკრებოდ !

zura222

გამოხმაურება

02 აგვისტო 2022 06:42