"დინამოს" მშვენიერი ფინანსური სარგებელი - რამდენს მიიღებენ ბათუმელები აზაროვის გაყიდვით და ასევე, რა წილი შეხვდებათ მისი მომავალი ტრანსფერიდან

სერბული პრესა იმ დეტალების შესახებ წერს, რომლითაც ბათუმის "დინამოს" ფეხბურთელი ირაკლი აზაროვი "ცრვენა ზვეზდაში" გადაბარგდება.

ქართული გუნდი 20 წლის ფეხბურთელის სანაცვლოდ 300 000 ევროს და ასევე, მისი შემდგომი ტრანსფერიდან თანხის 20%-ს მიიღებს.

გავრცელებული ინფორმაციით, აზაროვი "ცრვენა ზვეზდაში" დღეს უნდა წარადგინონ. მისმა გუნდმა გუშინ ჩემპიონთა ლიგის საკვალიფიკაციო ეტაპზე ერევნის "პიუნიკს" 5:0 სძლია და მომავალ სეზონში მინიმუმ ევროპის ლიგაზე თამაში გაინაღდა.