"იყო ვარიანტი ამერიკიდან; ტრაბზონში რომ ჩავიდნენ, სხვა ფურცელი დაახვედრეს" - ბესო ჩიბურდანიძე აზაროვის ტრანსფერზე

"ფეისბუქგვერდ" "პოდკასტ ბათუმის" პირდაპირ ეთერში ირაკლი აზაროვის ტრანსფერის თაობაზე ამ კლუბის საზოგადოებასთან ურთიერთობის სამსახურის უფროსმა ბესო ჩიბურდანიძემ ისაუბრა.

"ტრაბზონზე" გავრცელებული ინფორმაცია (1.5 მილიონი) ტყუილია, სრული აბსურდია. იყო დაინტერესება MLS-ის კლუბიდან, "კანზას სიტიდან", რომელიც სოლიდურ თანხას იხდიდა, მაგრამ შემდეგ ეს ტრანსფერი მხოლოდ იმიტომ არ გამოვიდა, რომ "ქართული ფეხბურთის მამებმა" გვთხოვეს, რომ ამერიკაში ფეხბურთელი ვერ განვითარდებაო, კი არ გაფუჭდება, ფეხბურთში ვერ მოუმატებს. "ტრაბზონთან" მიმართებაში იყო საუბარი, თითქოს მაღალ ანაზღაურებას აპირებდნენ, იხდიდნენ მაგ თანხას, მაგრამ ადგილზე ჩასულებს საერთოდ სხვა ფურცელი დაახვედრეს იქ, მილიონ-ნახევარი კი არა, ნახევარიც არ იყო მაგისი, როგორც მახსოვს, 500 000 იყო".

შეგახსენებთ, ირაკლი "ცრვენა ზვეზდას" სულ ახლახან შეუერთდა, სერბულ გუნდს კი ჩემპიონთა ლიგაზე თამაშის მშვენიერი შესაძლებლობა აქვს.

"ეს არის სირცხვილი, თუ ამის უკან რაიმე სერბულ-ქართული მაქინაცია არ იმალება..." - რომან გოცირიძე აზაროვის "ცრვენა ზვეზდაში" ტრანსფერს ეხმაურება

"აზაროვი საუკეთესო მარცხენა მცველია, ვისთანაც მითამაშია" - სერბი ნახევარმცველი