ქართული ფეხბურთი

ლეგიონერები

"სპალეტის "კვარასადმი" დამოკიდებულებით შოკირებული ვარ" - ნეაპოლელი პროფესორი ხვიჩას გამოექომაგა

AutoSharing Option
"ნაპოლის" მწვრთნელის ლუჩანო სპალეტის მიერ ხვიჩა კვარაცხელიას გაკრიტიკებაზე კომენტარი ნეაპოლის უნივერსიტეტის ფედერიკო II-ის ყოფილმა რექტორმა, პროფესორმა გუიდო ტრომბეტიმ გააკეთა, რომელიც გუნდის თავგადაკლული გულშემატკივარია.

"სპალეტის დამოკიდებულებით შოკირებული ვარ: როგორ შეიძლება "კვარას" ყოველ ჯერზე საჯაროდ გაკიცხვა? ის მართლაც ხანდახან ეგოისტურია, მას მეტი წნეხი აქვს, მაგრამ ამას გასახდელში ვერ ეტყვი? რა გინდა დაამტკიცო, რომ შენ ხარ ხელმძღვანელი? შენ ვერაფერსაც ვერ ამტკიცებ. ლუჩანო იმაზე აცხადებს პრეტენზიას, თუ რა უნდა ჰკითხონ ჟურნალისტებმა.

აღფრთოვანებული ვარ კლუბის პრეზიდენტ აურელიო დე ლაურენტისით, რომელსაც არაჩვეულებრივი მოთმინება აქვს. ექსტირპაციის ფორმები
მავნებლურია და ეს დამატებით ღიმილს იწვევს. ვიხსენებთ ისტორიას, როდესაც ტოტისა და იკარდის ეჩხუბა. მკურნალობას პროფილაქტიკა სჯობია. მე ვწუხვარ, თუ არასწორად გამიგეთ, იმედი მაქვს, სპალეტი "ნაპოლიში" კიდევ 10 წელი დარჩება. მისი უნარები ეჭვს არ იწვევს.

"მილანი" - "ნაპოლი"? მე არასოდეს გამიკეთებია პროგნოზი. ვარსკვლავურ "ნაპოლის", რომელიც "რეინჯერსთან" ვნახე, არ შეიძლება ვინმეს შიში ჰქონდეს, მაგრამ შედეგის გამოცნობა შეუძლებელია", - განაცხადა ტრომბეტიმ რადიო Napoli Centrale-ს გადაცემა un Calcio alla Radio-ს ეთერში.

ასევე დაგაინტერესებთ