გუშინ, 1-ელ ნოემბერს, ჩემპიონთა ლიგის ჯგუფური ეტაპის ბოლო შეხვედრაში, "ლივერპულმა" "ნაპოლის" უმასპინძლა და 2:0 დაამარცხა.
მატჩის შემდეგ მერსისაიდელთა მთავარმა მწვრთნელმა იურგენ კლოპმა ხვიჩა კვარაცხელიასა და "წითლების" განაპირა მცველის, ტრენტ ალექსანდერ-არნოლდის დუელის შესახებ ისაუბრა და ქართველის მიმართ საქებარი სიტყვები არ დაიშურა.
"ის კარგი ფეხბურთელია, ძალიან სწრაფია. ორივე კარგი მოთამაშეა. როდესაც ხვიჩას პირველ მომენტში უპირატესობა აქვს, მოწინააღმდეგე მის შეჩერებას ვეღარ ახერხებს. ხვიჩას საფეხბურთო "სითავხედე" გააჩნია, შეუძლია საჯარიმოს შიგნით შეიჭრას. ქართველის პირისპირ თამაში ყოველთვის რთულია. როგორც კი ბურთს მიიღებს, მცველი ახლოს უნდა ეთამაშებოდეს.
წინააღმდეგ შემთხვევაში, ერთი ფეხბურთელი დაზღვევისთვის ყოველთვის მზად უნდა იყოს.
ტრენტმა კარგი მატჩი ჩაატარა, შესაძლოა ერთ-ორ მომენტში შეცდა, თუმცა ბოლომდე თამაშში დარჩა" - განაცხადა იურგენ კლოპმა.
შეგახსენებთ, ჩემპიონთა ლიგის A ჯგუფში პირველი ადგილი "ნაპოლიმ" დაიკავა, "ლივერპული" მეორე პოზიციას დასჯერდა, "აიაქსი" ასპარეზობას ევროპა ლიგაზე გააგრძელებს, შოტლანდიურმა "რეინჯერსმა" კი გამოსვლა 0 ქულით ბოლო ადგილზე დაასრულა.
![alt](/pictures/image50/c2e9bc36d21c9521a379d74a3b70f2b7.jpg ""ძალიან სწრაფია, მის წინააღმდეგ თამაში ყოველთვის რთულია" - იურგენ კლოპი ხვიჩაზე საუბრობს")
"კვარაცხელიას წაქცევისთვის პენალტი უნდა დანიშნულიყო" - ამტკიცებს ყოფილი იტალიელი მსაჯი![alt](/pictures/image50/f6f0bff79749a34ed0c2a4b1f0106c47.jpg ""ძალიან სწრაფია, მის წინააღმდეგ თამაში ყოველთვის რთულია" - იურგენ კლოპი ხვიჩაზე საუბრობს")
Liverpool Echo: "ლივერპულის" ფანები კვარაცხელიას შეძენას მოითხოვენ![alt](/pictures/image50/b3ed806e50cfd79d89ea87c60ca4d017.jpg ""ძალიან სწრაფია, მის წინააღმდეგ თამაში ყოველთვის რთულია" - იურგენ კლოპი ხვიჩაზე საუბრობს")
კვარაცხელიას შეცვლის შემდეგ "ნაპოლიმ" "ენფილდზე" ორი გოლი გაუშვა და სეზონში პირველად დამარცხდა [VIDEO] 
