ბუდუ ზივზივაძე "ფეჰერვარის" მეორე გუნდში დაშავდა და შესაძლოა, ოპერაცია დასჭირდეს

უნგრული Origo-ს ინფორმაციით, "ფეჰერვარის" მეორე გუნდში გადაყვანილმა ბუდუ ზივზივაძემ მესამე ლიგაში მატჩისას მხრის ტრავმა მიიღო და შესაძლოა, საოპერაციო იყოს. სამწუხაროდ, ეს იმას უნდა ნიშნავდეს, რომ მას საკმაოდ ბევრი გაუცდება და მინიმუმ, წლის ბოლომდე თამაშს ვერ შეძლებს. 

"ფეჰერვარის" დუბლები "ნაგიკანიზასთან" 0:5 დამარცხდა, ზივზივაძე კი მოედნიდან პირდაპირ საავადმყოფოში წაიყვანეს. შეგახსენებთ, საქართველოს ნაკრების ფორვარდი პირველი გუნდის შემადგენლობას იმის გამო ჩამოაშორეს, რომ გულშემატკივრები მისი საქციელით უკმაყოფილო დარჩნენ - ზივზივაძემ ყოფილ თანაგუნდელს მატჩის შემდეგ მაისური გაუცვალა.

საქართველოს ნაკრები 17 ნოემბერს ამხანაგურად მაროკოელებს დაუპირისპირდება და ვილი სანიოლს ფონს გასვლა ბუდუს გარეშე მოუწევს.

Sportall.ge ბუდუ ზივზივაძეს მხარდაჭერას უცხადებს

ბუდუ ზივზივაძის ბოდიში - მჯერა, გულშემატკივრები სწორად გაიგებენ...