ხვიჩა ვარჯიშს ორშაბათს განაახლებს - "ნაპოლი" მეორე წრისთვის თურქეთში მოემზადება

"ნაპოლის" ერთ-ერთი ლიდერი ხვიჩა კვარაცხელია ვარჯიშს ორშაბათს განაახლებს. Corriere del Mezzogiorno-ს ცნობით, ქართველი სულ მალე გუნდთან ერთად იქნება და მეორე წრისთვის მომზადებას დაიწყებს.

"კვარა" დასვენების დღეებს საქართველოში ატარებს. ხვიჩა მშობლიურ მხარეს ესტუმრა და გულშემატკივრებს ავტოგრაფები დაურიგა. 21 წლის გარემარბი ლუმბაგოს რეაბილიტაციის პროგრამას აგრძელებს, რათა მომდევნო კვირის ორშაბათისთვის გუნდთან ერთად ვარჯიში განაახლოს" - წერს გამოცემა.

კიდევ ერთი იტალიური გამოცემა Napolipiu.com-ი გვამცნობს, რომ "პარტენოპეი" მეორე წრისთვის მოსამზადებელ შეკრებას თურქეთში გაივლის და რამდენიმე ამხანაგურ მატჩსაც გამართავს.

"კატარის 2022 წლის მსოფლიო ჩემპიონატი ლუჩანო სპალეტისთვის სასარგებლოა, რადგან 4 იანვარს "ინტერის" წინააღმდეგ მის განკარგულებაში ხვიჩა კვარაცხელია და ამირ რაჰმანი იქნებიან. "ნაპოლი" თურქეთში მოემზადება. ამხანაგურ მატჩებს კი, დიდი ალბათობით, "კრისტალ პალასთან", "ფულემთან" და ანდრეა პირლოს დამოძღვრილ "ქარაგუმრუკთან" ჩაატარებს.

1-დან 12 დეკემბრამდე შესაძლოა, კიდევ 2 ტესტ-მატჩი გაიმართოს და ერთ-ერთი გუნდი იტალიის ჩემპიონატიდან იყოს" - წერს გამოცემა.