France Bleu-მ ლიგა 2-ში მოასპარეზე "მეცს" წერილი მიუძღვნა და თავდამსხმელ გიორგი მიქაუტაძეს გუნდის საუკეთესო ფეხბურთელი უწოდა.
გამოცემა წერს, რომ სეზონის პირველი ნახევარი აღმავლობითა და ჩავარდნებით ლოტარინგიელთათვის საკმაოდ დატვირთული გამოდგა, მაგრამ ბოლო კარგმა სერიამ სატურნირო ცხრილში დაწინაურების იმედი გააჩინა.
France Bleu ქართველის თამაშს აფასებს - მიქაუტაძე ბრწყინვალე, მაგრამ არასტაბილური
"სეზონის პირველ ნაწილში შემტევთა შორის გიორგი მიქაუტაძე ყოველგვარი ეჭვების გარეშე საუკეთესო იყო. საქართველოს ნაკრების ფორვარდმა 8 გოლი გაიტანა და 5 საგოლე გადაცემა გააკეთა. თუმცა, "სერენის" ყოფილ ბომბარდირს ასევე დიდი უგოლო პაუზა ჰქონდა:
თითქმის 2 თვის განმავლობაში თავი არ წარმოუჩენია".
15 ტურის შემდეგ "მეცი" 21 ქულით მე-8 ადგილზეა, ლიდერ "ჰავრს" 11, ხოლო მეორე პოზიციაზე მყოფ "ბორდოს" 7 ქულით ჩამორჩება და 27 დეკემბერს "ნიორს" უმასპინძლებს.
მიმდინარე სეზონში მეორედ, მიქაუტაძე "მეცის" თვის საუკეთესო ფეხბურთელი გახდა
![მიქაუტაძე დაფრინავს - ისევ გაიტანა და "მეცს" ისევ მოუპოვა გამარჯვება [VIDEO]](/pictures/image7/688ee3029107c4c69bc55a933f4dcbca.jpg "მიქაუტაძე დაფრინავს - ისევ გაიტანა და \"მეცს\" ისევ მოუპოვა გამარჯვება [VIDEO]")
![მიქაუტაძემ ისევ გაიტანა - ბოლო სამ მატჩში მეხუთედ [VIDEO]](/pictures/image7/a623db4fa14c223e5a306df964e9da1c.jpg "მიქაუტაძემ ისევ გაიტანა - ბოლო სამ მატჩში მეხუთედ [VIDEO]")
![დუბლი ზედიზედ მეორე მატჩში - მიქაუტაძემ "მეცს" ნანატრი გამარჯვება მოუპოვა [VIDEO]](/pictures/image7/25d2bba83a0bacfa5e5c5ccdb412014b.jpg "დუბლი ზედიზედ მეორე მატჩში - მიქაუტაძემ \"მეცს\" ნანატრი გამარჯვება მოუპოვა [VIDEO]")