საქართველოს ნაკრების ნახევარმცველმა ნიკა კვეკვესკირმა „ლეხში“ ისევ გამოიჩინა თავი.პოლონეთის ექსტრაკლასას 25-ე ტურში, ლოძში „ვიძევთან“ მატჩში, კვეკვესკირი 59-ე წუთზე შევიდა შეცვლაზე, როდესაც მისი გუნდი 0:1-ს აგებდა. 73-ე წუთზე ქართველის პასით მარხვინსკიმ ანგარიში გაათანაბრა, ხოლო 78-ე წუთზე ველდემ გამარჯვების გოლი გაიტანა.
კვეკვესკირმა ყველა ტურნირზე ბოლო 3 მატჩში 2 გოლი გაიტანა და 2 საგოლე გადაცემა გააკეთა. გასათვალისწინებელია, რომ სრულად მთელი შეხვედრის ჩატარება თითქმის არ უწევს.
პოზნანური გუნდის განაცხადში ისევ არ იყო გიორგი წიტაიშვილი.
„ლეხი“ 43 ქულით მესამე ადგილზეა და 2 აპრილს „პოგონს“
უმასპინძლებს.
კვეკვესკირის გოლი და საგოლე გადაცემა ერთ წუთში - "ლეხი" კონფერენს ლიგის მეოთხედფინალშია [VIDEO]
