"აიაქსმა" ოფიციალურად გვაუწყა, რომ "მეციდან" საქართველოს ნაკრების ფორვარდი გიორგი მიქაუტაძე შეიძინა და მას კონტრაქტი 2028 წლის 30 ივნისამდე გაუფორმა. გავრცელებული ინფორმაციით, ამსტერდამელებს ჩვენებურის შეძენა 16 მილიონი ევრო დაუჯდათ, რასაც 3 მილიონი ევრო ბონუსების სახით დაემატება.
მიქაუტაძე გიორგი ქინქლაძისა და შოთა არველაძის შემდეგ გახდა მესამე ქართველი ფეხბურთელი, რომელიც "აიაქსის" რიგებში ითამაშებს.
ამსტერდამელებს ხვალ ევროპის ლიგის პლეი-ოფში "ლუდოგორეცთან" განმეორებითი მატჩი ელით, სადაც გიორგი, დიდი ალბათობით, ჯერ არ იქნება და სავარაუდოდ, მისი დებიუტი 3 სექტემბერს "სიტარდთან" საშინაო ჩემპიონატის მატჩში შედგება.
ის ნიდერლანდურ გუნდში მე-19 ნომრით იასპარეზებს.
![კვლავ ფორმაშია! - შოთა არველაძემ მადრიდის "რეალს" გაუტანა [VIDEO]](/pictures/image7/2d1f3aeb1efc7b85ecbdcc72c2873bff.png "კვლავ ფორმაშია! - შოთა არველაძემ მადრიდის \"რეალს\" გაუტანა [VIDEO]")
![მიქაუტაძე: ჩეხეთში მოსაგებად უნდა წავიდეთ [VIDEO]](/pictures/image7/30b858b07fe112c8d0ba97d45658f578.jpeg "მიქაუტაძე: ჩეხეთში მოსაგებად უნდა წავიდეთ [VIDEO]")
