"გასწევს გვერდზე ხვიჩას "ვიცე-კვარაცხელია" ნგონჟი?" - იტალიური მედია

AutoSharing Option
იტალიის თასის 1/16-ფინალში „ნაპოლიმ“ საკუთარ მოედანზე სერია B-ს „პალერმო“ გაანადგურა და დეკემბერში მერვედფინალში „ლაციოს“ შეხვდება. მწვრთნელმა ანტონიო კონტემ გუშინდელ მატჩში სათადარიგო შემადგენლობა გაიყვანა მოედანზე და 24 წლის სირილ ნგონჟიმ ბოძებული შანსი შესანიშნავად გამოიყენა. მან დუბლი შეასრულა და იტალიური მედიისგან შექება დაიმსახურა.

„კორიერე დელო სპორტი“ წერს, რომ ნეაპოლური კლუბის პრეზიდენტმა აურელიო დე ლაურენტისმა თავად მოისურვა 2023 წელს ბელგიელის შეძენა, ტრანსფერში 20 მილიონი ევრო გადაიხადა, თუმცა ფეხბურთელს საქმეები კარგად არ წაუვიდა, სასტარტოში ადგილი ვერ დაიმკვიდრა, ზაფხულში „რომაში“ გადასვლას აპირებდა, საბოლოოდ დარჩენა არჩია,
სიცილიურ გუნდთან შეხვედრაში ისეთი საღამო ჰქონდა, როგორიც არც კი დაესიზმრებოდა და იმედი აქვს, ეს ერთჯერადი გაბრწყინება არ იქნება. გამოცემის ცნობით, „რომა“ მის გადაბირებას შეეცდება, რათა მან მომავალში პაულო დიბალა შეცვალოს.

„გაძეტა დელო სპორტი“ აღნიშნავს, რომ ასეთი ჩინებული თამაშის მიუხედავად, ხვიჩა კვარაცხელიას „გვერდზე გაწევა“ ნგონჟისთვის ძალიან რთული იქნება, თუმცა მეტ ყურადღებას იმსახურებს, რამეთუ თავისი დრიბლინგებით და გარღვევებით ქართველის სტილში მოქმედებს.

Area Napoli-მ აღნიშნა, რომ „ნაპოლიმ“ „კვარას“ „მოადგილე“ იპოვა და ეს ქართველისთვის ურიგო არ არის: „გაჩნდა მკაფიო განცდა, რომ „პარტენოპეის“ თავკაცმა, იმის გათვალისწინებით, რომ მარჯვენა ფლანგზე ნერესი და პოლიტანო ჰყავს, სასტარტოში ის მიზნმიმართულად მოსინჯა ვიცე-კვარაცხელიას ამპლუაში. და პასუხიც საკმაოდ დადებითი მიიღო. ეს თვითონ ხვიჩასთვისაც კარგი ამბავია, ვინაიდან დამატებითი მოტივაცია იმის გათვალისწინებით ექნება, რომ ბოლოს და ბოლოს ზურგსუკან ვიღაც გამოუჩნდა, რომელსაც შეუძლია ძირითად შემადგენლობაში ადგილისთვის კონკურენცია გაუწიოს. სირილით „ლაციო“ და „ბოლონია“ არიან დაინტერესებული, მაგრამ ძნელად წარმოსადგენია „ნაპოლი“ იანვარში დაემშვიდობოს“.

მკითხველის კომენტარები / 13 /
რა სისულელეა, მარჯვენა ვინგერია და ცენტრ ფორვარდად და სტრიკერადაც თამაში შეუძლია. აი მარცხენა ვინგერად კი არა, მაგ ადგილას ნაპოლის ძერბინი ჰყავს. ცოტა გაერკვიეთ და ისე დაწერეთ ხოლმე სტატიები
ვახტანგი
01:03 28-09-2024
0
გადარია მეორე ლიგა, ისეთ კომენტარებს აკეთებენ მწვრთნელები. რა თქმა უნდა ნაპოლი უპირველეს ყოვლოსა
ნეტა ბუდუ ზე რა ხდება გერმანიაში
23:21 27-09-2024
2
გააკეთეთ გამოხმაურება
X
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.

ასევე დაგაინტერესებთ
სიახლეები პოპულარული