"ერთად დიდებული ერა შევქმენით, ყველაფერი შეიძლება მოხდეს" - სუარესი ნეიმარის მაიამის "ინტერში" სავარაუდო ტრანსფერზე საუბრობს

ურუგვაელმა ფორვარდმა ლუის სუარესმა ნეიმარის მაიამის "ინტერში" შესაძლო ტრანსფერზე ისაუბრა.

"ელ პისტოლეროს" თქმით, ნეიმარი შესანიშნავი ფეხბურთელია და გამორიცხული არაფერია.

"ყველამ იცის ნეიმარი რა დონის ფეხბურთელია, ასევე რა შევქმენით ერთად. დღეს სხვა რეალობა გვაქვს, უკვე ასაკში ვართ, ყველაფერი შესაძლებელია მოხდეს", - განაცხადა სუარესმა Goal-თან ინტერვიუში.

შეგახსენებთ, რამდენიმე დღის წინ "ალ ჰილალის" შემტევმა ნეიმარმა მედიასთან ისაუბრა და განაცხადა, რომ ლიონელ მესისთან და ლუის სუარესთან ერთად კიდევ ერთხელ თამაში საინტერესო იქნებოდა.