მიუნხენში დასრულდა ოთხთა ტურნირი "აუდის თასი", რომელშიც "ბაიერნი", "ლივერპული", "ატლეტიკო" და "ნაპოლი" მონაწილეობდნენ. ფინალში ერთმანეთს ესპანური და ინგლისური კლუბები - "ატლეტიკო" და "ლივერპული" შეხვდნენ. ანგარიში 33-ე წუთზე 19 წლის ალბანელმა კეიდი ბარემ გახსნა, რომელიც "ატლეტიკოს" აღზრდილია, თუმცა 83-ე წუთზე "ლივერპული" მარცხისგან რობერტო ფირმინომ იხსნა, ბრაზილიელმა პენალტი შეასრულა - 1:1.
პენალტების სერიაში დიეგო სიმეონეს შეგირდებმა აჯობეს იურგენ კლოპის ბიჭებს და 5:4 იმარჯვეს.
ერთადერთი პენალტი ჯორდან ჰენდერსონმა გააცუდა. სამაგიეროდ, ანტუან გრიზმანმა, ფერნანდო ტორესმა, გაბიმ, ნიკოლას გაიტანმა
იხილეთ ვიდეო
![Sportall.Ge](/pictures/artimages/image16/43d207e0f68b52e6c75c34c3405f178e.jpg "აუდის თასი: "ატლეტიკოს" ტრიუმფი, "ბაიერნის" ფიასკო [VIDEO]")
III ადგილისთვის მატჩში "ნაპოლიმ" 2:0 მოუგო "ბაიერნს", რომელსაც ამ ზაფხულს ვისაც არ ეზარება, ყველა უგებს.
პირველ ტაიმში გოლი კალიდუ კულიბალიმ გაიტანა, მეორეში კი თავი ემანუელე ჯაკერინიმ გამოიჩინა.
იხილეთ ვიდეო
![Sportall.Ge](/pictures/artimages/image16/483b03b01181b5de7f5b2a65e4cc70ab.jpg "აუდის თასი: "ატლეტიკოს" ტრიუმფი, "ბაიერნის" ფიასკო [VIDEO]")
კარლო ანჩელოტის გუნდმა ტრავმებითაც იზარალა, "ლივერპულთან" ნახევარფინალში დაშავდნენ ტიაგო ალკანტარა, დავიდ ალაბა და ხამეს როდრიგესი.
ყოველდღიური სპორტული გაზეთი "ლელო"
