ექსკლუზივი. კახა ცხადაძე ყაზახური კლუბის მთავარ მწვრთნელად დაინიშნება

Sportall.ge-ს ექსკლუზიური ინფორმაციით, საქართველოს ნაკრების ყოფილი თავკაცი კახა ცხადაძე დღეს ყაზახეთის კლუბ "ორდაბასის" მთავარ მწვრთნელად დაინიშნება.

აღნიშნულ კლუბში ერთი ქართველი ფეხბურთელი ჯაბა ჯიღაური ირიცხება, გუნდის მეკარე კი დავით ლორიაა, რომელიც ყაზახეთის ნაკრების კარს იცავს.

"ორდაბასი" ყაზახეთის პრემიერლიგაში 13 ტურის შემდეგ, 6 მოგებით, 1 ფრითა და 6 მარცხით, 19 ქულით  მე-4 ადგილს იკავებს.

გასულ სეზონში გუნდი მე-3 ადგილზე გავიდა და ზაფხულში ევროპის ლიგის საკვალიფიკაციო ეტაპზე იასპარეზებს.

რაც შეეხება კახა ცხადაძეს, ბოლოს ის სწორედ ყაზახეთში მუშაობდა, სადაც "კაირათს" 2016/17 წლების სეზონში წვრთნიდა. ხოლო საქართველოს ნაკრებში ცხადაძე 2015-დან 2016 წლამდე მუშაობდა.

კახა ცხადაძე: თუ ყაზახეთის ნაკრები მომმართავს წინადადებით - რა თქმა უნდა, მივიღებ

კახა ცხადაძე: საქართველოს ფედერაცია ზურგს უკან ძირს მითხრიდა