ე.წ. აფხაზეთის და სამხრეთ ოსეთის ნაკრებები არაღიარებულ ქვეყანათა ევროპის ჩემპიონატზე იასპარეზებენ

არაღიარებულ სახელმწიფოთა ფედერაცია Conifa-მ 2019 წლის ევროპის ჩემპიონატის კენჭისყრის შედეგები გამოაქვეყნა.

ტურნირში მონაწილეობას საქართველოს ოკუპირებული რეგიონების ე.წ. ეროვნული ნაკრებებიც იღებენ.

აფხაზეთის ნაკრები მეორე ჯგუფშია, სამხრეთ ოსეთის ნაკრები კი - მეოთხეში.

ნაკრებები ოთხ სამგუნდიან ჯგუფშია გადანაწილებული:

პირველი ჯგუფი: მთიანი ყარაბაღი, ლაპლანდია, ლუგანსკის რესპუბლიკა.

მეორე ჯგუფი: აფხაზეთი, ნიცის საგრაფო, ჩამერია.

მესამე ჯგუფი: პადანია, დონეცკის სახალხო რესპუბლიკა, სარდინია.

მეოთხე ჯგუფი: სეკეის მხარე, დასავლეთი სომხეთი, სამხრეთი ოსეთი.